មេដឹកនាំស្នូលមួយរូបរបស់ក្រុមចលនាអាវលឿងថៃ ដែលគេស្គាល់ឈ្មោះថា សុនធិ លីមថងគុល កាលពីថ្ងៃអង្គារម្សិលមិញ ត្រូវតុលាការកាត់ទោសឲ្យជាប់គុក២០ឆ្នាំពីបទក្លែងបន្លំឯកសារ។
សុនធិ លីមថងគុល មេដឹកនាំស្នូលរបស់ក្រុមអាវលឿង និងជា ម្ចាស់ ASTV
មហាសេដ្ឋីវ័យ៦៤ឆ្នាំរូបនេះ ត្រូវតុលាការសម្រេចផ្តន្ទាទោសក្នុងកម្រិតអតិបរមា ដោយកំណត់ឲ្យជាប់គុក២០ឆ្នាំ។ ប៉ុន្តែមេធាវីរបស់លោក សុនធិ បាននិយាយថា កូនក្តីលោកនឹងដាក់ពាក្យប្តឹងឧទ្ធរណ៍ប្រឆាំងនឹងសាលក្រមនេះ ហើយគាត់ត្រូវបានដោះលែងឲ្យមានសេរីភាពដោយបានបង់ប្រាក់ធានានៅ ក្រៅឃុំចំនួន១០លានបាត៕
