ក្នុងសេចក្តីថ្លែងការណ៍ប្រកាសពីការតែងតាំងនេះ លោក អូបាម៉ា បានឲ្យដឹងថា “នេះគឺជាពេលដើម្បីឲ្យអ្នកមានជំនាញផ្នែកអភិវឌ្ឍន៍ គ្រប់គ្រងភ្នាក់ងារអភិវឌ្ឍន៍ ព្រោះលោក គីម មានបទពិសោធន៍ច្រើន ហើយនេះគឺជាចំណុចស័ក្តិសមបំផុតដែលប្រជាជនទូទាំងពិ ភពលោកត្រូវការ”។
រីឯលោក គីម វ័យ ៥២ឆ្នាំដែលបច្ចុប្បន្នមានឋានៈជាប្រធានមហាវិទ្យាល័យដារ៍តម៉ោស(Dartmouth College) បានឲ្យដឹងថា “នេះគឺជាស្ថាប័នមួយដែលប្រឆាំងនឹងភាពក្រីក្រព្រមទាំងផ្តល់ជំនួយ ដល់បណ្តាប្រទេសកំពុងអភិវឌ្ឍន៍”។
គួរបញ្ជាក់ដែរថា លោក គីម គឺជាបេក្ខភាពមួយរូបក្នុងចំណោមបេក្ខភាព ៣រូបដែល ២រូបទៀតមកពីប្រទេស នីហ្សេរីយ៉ា និង កូឡុំប៊ី។ លោកបានកើតនៅទីក្រុងសេអ៊ូល ប៉ុន្តែ បានទៅសហរដ្ឋអាមេរិកនៅពេលដែលលោកមានអាយុ ៥ឆ្នាំ៕
