ដោយ ៖ សាធី
ថ្ងៃទី 04-02-2012 ម៉ោង 15:02:36 អាកាសធាតុ ត្រជាក់បន្ដញាំញីតំបន់អឺរ៉ុបក្នុងរយៈពេលជាងមួយសប្ដាហ៍កន្លងមក បណ្ដាលឱ្យមានអ្នកស្លាប់កើនឡើងដល់២១៨នាក់ហើយមកដល់ថ្ងៃទី៤ កុម្ភៈ ។
នៅក្នុងប្រទេសអ៊ុយក្រែន មានអ្នកស្លាប់កើនឡើងដល់១០១នាក់ រួមមាន៦៤នាក់ស្លាប់នៅតាមផ្លូវ ។ ក្រសួងគ្រប់គ្រងគ្រោះមហន្ដរាយអ៊ុយក្រែន បានប្រកាសថា សីតុណ្ហភាពបានបន្ដធ្លាក់ចុះពី-១៦អង្សាសេ រហូតដល់-៣០អង្សាសេ នាពេលខាងមុខ ។ រដ្ឋាភិបាលអ៊ុយក្រែនបានបិទទ្វារសាលារៀនស្ទើរតែទាំងស្រុង និងបង្កើតជំរំបណ្ដោះអាសន្នជាង៣ពាន់កន្លែងទូទាំងប្រទេសដើម្បីជួយ ដល់ពលរដ្ឋកាត់បន្ថយការប៉ះទង្គិចនឹងអាកាសធាតុដ៏សែនត្រជាក់នោះ ។ ប៉ុន្ដែជំរំទាំងនោះសុទ្ធសឹងតែពេញណែន។ ចំណែកបណ្ដាមន្ទីរពេទ្យនានាទទួលបានបទបញ្ជាមិនឱ្យអ្នកជំងឺណាដែល គ្មានផ្ទះសម្បែងចាកចេញពីមន្ទីរពេទ្យពេលនេះឡើយ ។
នាយករដ្ឋមន្ដ្រីអ៊ុយក្រែន លោក Mykola Azarov បានប្រកាសឱ្យដឹងថា នៅទូទាំងប្រទេសបានដុតឧស្ម័នហ្គាសជាង១ពាន់ម៉ែត្រគូបក្នុង រយៈពេល៣ថ្ងៃកន្លងមក ខណៈដែលអ៊ុយក្រែនបានទិញឧស្ម័នហ្គាសពីរុស្ស៊ីប្រមាណ២៧ពាន់ ម៉ែត្រគូបនៅឆ្នាំ២០១២ ។
ចំណែកនៅក្នុងប្រទេសប៉ូឡូញ ប៉ូលិសបានប្រកាសឱ្យដឹងថា មានមនុស្ស៨នាក់បានស្លាប់ក្នុងរយៈពេល២៤ម៉ោងកន្លងមក ដោយមានសីតុណ្ហភាពធ្លាក់ចុះរហូតដល់-៣៥អង្សាសេ ធ្វើឱ្យអ្នកស្លាប់សរុបនៅក្នុងប្រទេសនេះកើនដល់៣៧នាក់ហើយ ។
ដោយឡែកនៅប្រទេសឆេក សីតុណ្ហភាពធ្លាក់ចុះរហូតដល់-៣៨អង្សាសេ ដែលត្រជាក់បំផុតក្នុងតំបន់អឺរ៉ុប ។ ចំណែកប្រទេសប៊ុលហ្គារី ឯណោះវិញក៏មានអ្នកស្លាប់៦នាក់នៅថ្ងៃទី៣ កុម្ភៈ ធ្វើឱ្យអ្នកស្លាប់កើនឡើងដល់១៦នាក់ ។ ភាគច្រើននៃជនរងគ្រោះរស់នៅតំបន់ដាច់ស្រយាលក្រីក្រ ហើយត្រូវកាត់ផ្ដាច់ដោយព្រិលធ្លាក់យ៉ាងក្រាស់នោះ ។
ចំណែកនៅទីក្រុងរ៉ូម ប្រទេសអ៊ីតាលី ក៏បានជួបប្រទះនូវដំណាក់កាលត្រជាក់បំផុតក្នុងប្រវត្ដិសាស្ដ្រ រយៈពេល១៥ឆ្នាំកន្លងមក ដោយព្រិលធ្លាក់មានកម្រាស់ជាងកន្លះម៉ែត្រ ។ តំបន់មួយចំនួននៅប្រទេសអង់គ្លេសក៏មានព្រិលធ្លាក់មានកម្រាស់ពី ៥-១០សង់ទីម៉ែត្រផងដែរ ។
ស្ថានភាពកាន់តែអាក្រក់ទៅៗ ខណៈដែលរុស្ស៊ីប្រកាសកាត់បន្ថយការនាំចូលឧស្ម័នហ្គាសទៅកាន់ អឺរ៉ុប ក្នុងគោលដៅបំពេញតម្រូវការប្រើប្រាស់កាន់តែច្រើនឡើងរបស់ពលរដ្ឋក្នុង ប្រទេសដែលជួបសីតុណ្ហភាពត្រជាក់យ៉ាងខ្លាំងនោះ ៕
ថ្ងៃទី 04-02-2012 ម៉ោង 15:02:36 អាកាសធាតុ ត្រជាក់បន្ដញាំញីតំបន់អឺរ៉ុបក្នុងរយៈពេលជាងមួយសប្ដាហ៍កន្លងមក បណ្ដាលឱ្យមានអ្នកស្លាប់កើនឡើងដល់២១៨នាក់ហើយមកដល់ថ្ងៃទី៤ កុម្ភៈ ។
នៅក្នុងប្រទេសអ៊ុយក្រែន មានអ្នកស្លាប់កើនឡើងដល់១០១នាក់ រួមមាន៦៤នាក់ស្លាប់នៅតាមផ្លូវ ។ ក្រសួងគ្រប់គ្រងគ្រោះមហន្ដរាយអ៊ុយក្រែន បានប្រកាសថា សីតុណ្ហភាពបានបន្ដធ្លាក់ចុះពី-១៦អង្សាសេ រហូតដល់-៣០អង្សាសេ នាពេលខាងមុខ ។ រដ្ឋាភិបាលអ៊ុយក្រែនបានបិទទ្វារសាលារៀនស្ទើរតែទាំងស្រុង និងបង្កើតជំរំបណ្ដោះអាសន្នជាង៣ពាន់កន្លែងទូទាំងប្រទេសដើម្បីជួយ ដល់ពលរដ្ឋកាត់បន្ថយការប៉ះទង្គិចនឹងអាកាសធាតុដ៏សែនត្រជាក់នោះ ។ ប៉ុន្ដែជំរំទាំងនោះសុទ្ធសឹងតែពេញណែន។ ចំណែកបណ្ដាមន្ទីរពេទ្យនានាទទួលបានបទបញ្ជាមិនឱ្យអ្នកជំងឺណាដែល គ្មានផ្ទះសម្បែងចាកចេញពីមន្ទីរពេទ្យពេលនេះឡើយ ។
នាយករដ្ឋមន្ដ្រីអ៊ុយក្រែន លោក Mykola Azarov បានប្រកាសឱ្យដឹងថា នៅទូទាំងប្រទេសបានដុតឧស្ម័នហ្គាសជាង១ពាន់ម៉ែត្រគូបក្នុង រយៈពេល៣ថ្ងៃកន្លងមក ខណៈដែលអ៊ុយក្រែនបានទិញឧស្ម័នហ្គាសពីរុស្ស៊ីប្រមាណ២៧ពាន់ ម៉ែត្រគូបនៅឆ្នាំ២០១២ ។
ចំណែកនៅក្នុងប្រទេសប៉ូឡូញ ប៉ូលិសបានប្រកាសឱ្យដឹងថា មានមនុស្ស៨នាក់បានស្លាប់ក្នុងរយៈពេល២៤ម៉ោងកន្លងមក ដោយមានសីតុណ្ហភាពធ្លាក់ចុះរហូតដល់-៣៥អង្សាសេ ធ្វើឱ្យអ្នកស្លាប់សរុបនៅក្នុងប្រទេសនេះកើនដល់៣៧នាក់ហើយ ។
ដោយឡែកនៅប្រទេសឆេក សីតុណ្ហភាពធ្លាក់ចុះរហូតដល់-៣៨អង្សាសេ ដែលត្រជាក់បំផុតក្នុងតំបន់អឺរ៉ុប ។ ចំណែកប្រទេសប៊ុលហ្គារី ឯណោះវិញក៏មានអ្នកស្លាប់៦នាក់នៅថ្ងៃទី៣ កុម្ភៈ ធ្វើឱ្យអ្នកស្លាប់កើនឡើងដល់១៦នាក់ ។ ភាគច្រើននៃជនរងគ្រោះរស់នៅតំបន់ដាច់ស្រយាលក្រីក្រ ហើយត្រូវកាត់ផ្ដាច់ដោយព្រិលធ្លាក់យ៉ាងក្រាស់នោះ ។
ចំណែកនៅទីក្រុងរ៉ូម ប្រទេសអ៊ីតាលី ក៏បានជួបប្រទះនូវដំណាក់កាលត្រជាក់បំផុតក្នុងប្រវត្ដិសាស្ដ្រ រយៈពេល១៥ឆ្នាំកន្លងមក ដោយព្រិលធ្លាក់មានកម្រាស់ជាងកន្លះម៉ែត្រ ។ តំបន់មួយចំនួននៅប្រទេសអង់គ្លេសក៏មានព្រិលធ្លាក់មានកម្រាស់ពី ៥-១០សង់ទីម៉ែត្រផងដែរ ។
ស្ថានភាពកាន់តែអាក្រក់ទៅៗ ខណៈដែលរុស្ស៊ីប្រកាសកាត់បន្ថយការនាំចូលឧស្ម័នហ្គាសទៅកាន់ អឺរ៉ុប ក្នុងគោលដៅបំពេញតម្រូវការប្រើប្រាស់កាន់តែច្រើនឡើងរបស់ពលរដ្ឋក្នុង ប្រទេសដែលជួបសីតុណ្ហភាពត្រជាក់យ៉ាងខ្លាំងនោះ ៕
