ថ្ងៃទី 21 ខែកុម្ភៈ ឆ្នាំ2012, ម៉ោង 10:09 AM ប្រែសម្រួលៈ ចន្នី
លោក ហឺរមេន ណេកឃឺតស៍(Herman Nackaerts) ជាអធិការផ្នែកអង្កេតការណ៍នៃបេសកកម្មនេះ បានឲ្យដឹងថា “បេសកកម្មសំខាន់របស់យើងគឺ ត្រូវធ្វើការពិនិត្យឲ្យបានច្បាស់ លើកម្មវិធីនុក្លេអ៊ែរបស់អ៊ីរ៉ង់។ ពួកយើងចង់អង្កេតរាល់បញ្ហាទាំងអស់ ទោះបីជាវាមានភាពស្មុគស្មាញនិង ប្រើពេលយូរបន្តិចក៏ដោយ”។
គួរបញ្ជាក់ថា មួយរយៈពេលចុងក្រោយនេះ ភាពតានតឹងបានកើតមានឡើង ដោយសារតែអ៊ីរ៉ង់បានបង្កើតកម្មវិធីផលិត នុយក្លេអ៊ែរថ្មីមួយ ដោយអះអាងថា ដើម្បីតែផលិតអគ្គិសនីប្រើប្រាស់តែប៉ុណ្ណោះ ប៉ុន្តែបណ្តាប្រទេសលោកខាងលិច សង្ស័យថា អ៊ីរ៉ង់កំពុងតែព្យាយាមផលិតអាវុធនុយក្លេអ៊ែរ ទើបបណ្តាប្រទេសទាំងនោះបានដាក់ស ម្ពាធសេដ្ឋកិច្ចដោយឈប់ទិញប្រេងពីអ៊ីរ៉ង់។ តែទោះជាយ៉ាងណាក្តី បណ្តាប្រទេសទាំងនោះកំពុងស្វែងរកដំណោះស្រាយសមស្រប មួយ ដើម្បីដោះស្រាយភាពតានតឹងដែលកំពុងតែកើតមាននេះ៕
