ដោយ ៖ សាធី
ថ្ងៃទី 04-02-2012 ម៉ោង 13:10:47 សារព័ត៌មាន ស៊ិនហួ បានផ្សព្វផ្សាយថា យ៉ាងហោចណាស់ក៏មានមនុស្ស១១នាក់ស្លាប់ ៦នាក់រងរបួស និងបាត់ខ្លួនជាច្រើននាក់ទៀតក្នុងគ្រោះថ្នាក់ផ្ទុះអណ្ដូងរ៉ែ ធ្យូងថ្មកាលពីថ្ងៃទី៣ កុម្ភៈ នៅភាគខាងត្បូងប្រទេសចិន ។
មន្ដ្រីទទួលខុសត្រូវពីសុវត្ថិភាព កម្មករខេត្ដស៊ីឈាន់ បានឱ្យដឹងថា គ្រោះថ្នាក់កើតឡើងនៅវេលាម៉ោង១៣និង២០នាទី ។ បណ្ដាកម្មករដែលរងរបួសបានបញ្ជូនទៅកាន់មន្ទីរពេទ្យនៅក្បែរៗនោះ ហើយសកម្មភាពជួយសង្គ្រោះនៅតែ បន្ដទៀត ។ មកទល់ពេលនេះមូលហេតុនៃការផ្ទុះកំពុងស្ថិតក្រោមការស្រាវជ្រាវ ប៉ុន្ដែតាមការអះអាងជាដំបូងបានឱ្យដឹងថា បណ្ដាលមកពីផ្ទុះឧស្ម័នហ្គាស ៕
