ថ្ងៃទី 02-02-2012 ម៉ោង 13:50:05 សារព័ត៌មាន AFP បានផ្សព្វផ្សាយថា អង្គការថាមពលបរមាណូអន្ដរជាតិ IAEA កាលពីថ្ងៃទី១កុម្ភៈ បានប្រកាសឱ្យ ដឹងថា នឹងបើកកិច្ចពិភាក្សាស្ដីអំពីបរមា ណូជាមួយរដ្ឋាភិបាលទីក្រុងតេអេរ៉ង់ នៅ ក្នុងខែកុម្ភៈនេះ ។
នៅក្នុងសេចក្ដីប្រកាសមួយរបស់ IAEA បានបញ្ជាក់ថា កិច្ចប្រជុំនឹងត្រូវ ធ្វើឡើងនៅទីក្រុងតេអេរ៉ង់ចាប់ពីថ្ងៃទី ២១-២២ ខែកុម្ភៈ ។
មានប្រសាសន៍នៅក្នុងសន្និសីទកាសែត ក្រោយពេលចាកចេញពីទីក្រុងតេអេរ៉ង់ ប្រធានគណៈប្រតិភូស៊ើបអង្កេតរបស់ IAEA លោកHerman Nackaerts បាន បញ្ជាក់ថា “នៅមានការងារជាច្រើននៅ ខាងមុខដែលត្រូវធ្វើ ហើយយើងមាន គម្រោងបំពេញទស្សនមកិច្ចមួយផ្សេង ទៀតនៅពេលដ៏ខ្លីខាងមុខ” ។
កាលពីថ្ងៃទី១ កុម្ភៈ គណៈប្រតិភូ អង្កេត ការណ៍របស់ IAEA បានវិល ត្រឡប់មកកាន់ទីក្រុង Vienna វិញ ក្រោយ ពេលបំពេញទស្សនកិច្ចអ៊ីរ៉ង់៣ថ្ងៃ ដើម្បី បញ្ជាក់ឱ្យបានច្បាស់ពីកម្មវិធីបរមាណូ ដែលមានភាពស្មុគ្រស្មាញនៅក្នុងប្រទេស នេះ ។
ពាក់ព័ន្ធនឹង បញ្ហានោះដែរ មន្ដ្រីជាន់ ខ្ពស់របស់រដ្ឋាភិបាលអ៊ីរ៉ង់បានព្រមានថា នឹងឈប់សហការជាមួយ IAEA ប្រសិន បើអង្គការនេះនៅតែចេញរបាយការណ៍ ប្រាសចាកពីការពិតនោះ ។
មន្ដ្រីសន្ដិសុខអ៊ីរ៉ង់មានការ ប្រុងប្រយ័ត្ន ចំពោះក្រុមសង្កេតការណ៍របស់ IAEA ចៀសវាងក្រុមនេះ ប្រមូលព័ត៌មាន ប្រាសចាកពីការពិតស្ដីពីកម្មវិធីបរមាណូ។ ប្រសិនបើអង្គការនោះ ប្រកាសព័ត៌មាន មិនពិតនឹងធ្វើឱ្យសហគមន៍អន្ដរជាតិ យល់ច្រឡំដល់ប្រទេសនេះ ។
កាលពីថ្ងៃអាទិត្យទី២៩ ខែមករា គណៈប្រតិភូជាន់ខ្ពស់របស់ IAEA បាន ទៅកាន់ប្រទេសអ៊ីរ៉ង់ ដើម្បីត្រួតពិនិត្យ ទៅលើកម្មវិធីបរមាណូ ដែលមានវិវាទ ចៀសវាងកុំឱ្យមានការភ័ន្ដច្រឡំ ចេញ របាយការណ៍ខុសពីការពិតដូចពេលកន្លងមក ៕
