អតីតមេដឹកនាំកម្លាំងប្រដាប់អាវុធទួរគីមួយរូប បានបង្ហាញខ្លួនក្នុងអង្គសវនាការពីបទជាប់ចោទប្រ ព្រឹត្តអំពើភេរវកម្មប្រឆាំងនឹងរដ្ឋាភិបាល។
លោក មេបញ្ជាការ អីលឃឺរ បាសបូគ ដែលបានចូលនិវត្តន៍ក្នុងឆ្នាំ ២០១០ គឺជាមន្រ្តីជាន់ខ្ពស់ដាច់គេមួយរូប ដែលជាប់ពាក់ព័ន្ធពីបទចោទប្រកាន់ថា បានរួមគំនិតគ្នាជាមួយបណ្តាញ អឺរ ចេននីកន ក្បត់នឹងរដ្ឋាភិបាល។
ព្រះរដ្ឋអាជ្ញា បាននិយាយថា ក្រុម អឺរចេននីកន ព្យាយាមផ្តួលរំលំនាយករដ្ឋមន្រ្តី រីសេព ថេយីប អឺរដូហ្គេន កាលពីឆ្នាំ ២០០៣។ ប៉ុន្តែ លោក បាសបូគ បានបដិសេធចំពោះការចោទប្រកាន់នេះ ដែលមានមនុស្សប្រហែលជា ៤០០នាក់ បានចាប់ខ្លួនក្នុងការជម្រះក្តីរបស់តុលាការ។
មន្រ្តីយោធាមួយចំនួន ដែលជាប់ពាក់ព័ន្ធក្នុងករណីនេះ បាននិយាយថា ពួកគេធ្វើតាមបញ្ជារបស់ប្រធានតែប៉ុណ្ណោះ។
យោងតាមសេចក្តីរាយការណ៍ពីសារព័ត៌មាន ហ្សាម៉ាន ប្រចាំប្រទេសទួរគី តុលាការបាននិយាយថា ការប្រឈមមុខនឹងបទជាប់ចោទរបស់លោកមេបញ្ជាការ ជើងចាស់ បាសបូគ មិនជាប់ទាក់ទងនឹង ភារកិច្ចរបស់លោកឡើយ ប៉ុន្តែវាជាបទជាប់ចោទបង្កអំពើភេរវកម្មឯណោះទេ។
ជាមួយគ្នានេះដែរ ការសែតបានចុះផ្សាយថា លោកត្រូវបានគេចោទប្រកាន់ពីបទបង្កើតគេហទំព័រជាច្រើនសុខៗគ្នា ដែលយោធាបានប្រើប្រាស់ដើម្បីឃោសនានូ វព័ត៌មានអាក្រក់ប្រឆាំងនឹងរដ្ឋាភិបាល រហូតដល់ឆ្នាំ ២០០៨ ក៏ដូចជាបង្កើតអង្គការភេរវកម្មមួយផងដែរ ក្នងគោលបំណង់ស្វែងរកកៅអីជំនួសរដ្ឋាភិបាល។
ទោះបីជាយ៉ា ងណាក្តី មេធាវីរបស់លោក អតីតមេបញ្ជាការបាសបូគ បាននិយាយថា ការចោទប្រកាន់នេះ ត្រូវបានដាក់ពាក្យបណ្តឹងមិនច្បាស់លាស់ហើយខ្វះការជឿ ទុកចិត្តផងដែរ៕
