ថា បាសារអាល់អាសាដ ប្រហែលកាន់អំណាចមិនបានយូរ
លោករីហ្វាត ដែលបានតាំងខ្លួនថា ជាអ្នកបន្តវេនដ៏ស័ក្តិសមឪពុកលោកប្រធានាធិបតីអាល់ អាសាដ បានឲ្យដឹងថា “នៅពេលដែលបាសារ អាល់អាសាដ បន្តវេនពីឪពុកក្នុងឆ្នាំ២០០០ ខ្ញុំបានធ្វើការរិះគន់ ការបន្តវេននេះថា គឺជារឿងដ៏គួរឲ្យអស់សំណើរមួយ មិនត្រឹមត្រូវតាមរដ្ឋធម្មនុញ្ញនោះឡើយ”។
លោកបានបញ្ជាក់ប្រាប់អ្នកយកព័ត៌មាន BBC បន្ថែមថា “បញ្ហានាពេលបច្ចុប្បន្នគឺអំពើហិង្សាកើតមានគ្រប់ទីក ន្លែងទាំងអស់ក្នុងប្រទេសស៊ីរី ដូចនេះ ខ្ញុំប៉ាន់ស្មានថា លោកមិនអាចកាន់អំណាចបានយូរទៀតនោះឡើយ។ ដូចនេះបាសារ គួរតែចុះចូលដើម្បីបង្កើតរដ្ឋាភិបាលថ្មី ហើយវាក៏ជាអ្វីដែលប្រជាជនស៊ីរីចង់បានផងដែរ”។
គួរបញ្ជាក់ថា លោករីហ្វាត ត្រូវបានគេនិរទេសខ្លួនចេញពីស៊ីរី បន្ទាប់ពីលោកប៉ុនប៉ងធ្វើរដ្ឋប្រហារទម្លាក់បងប្រុ សរបស់លោកដែលជាឪពុករបស់ប្រធានាធិបតីបាសារ អាល់អាសាដ ក្នុងអំឡុងទសវត្សរ៍ទី៨០។ ដោយកាលនោះនៅឆ្នាំ១៩៨២ លោកបានដឹកនាំយោធាវាយប្រហារលើតំបន់ហាម៉ាក្នុងពេលដែល ពួកមូស្លីម ធ្វើការបេះបោរ បណ្តាលឲ្យមនុស្សស្លាប់ពី១០០០០ ទៅ២៥០០០នាក់។ ប៉ុន្តែទោះបីជាត្រូវបាននិរទេសចេញពីប្រទេសក្តី លោកមិនត្រូវបានកាត់ទោសនោះឡើយ គ្រាន់តែត្រូវបានគេទម្លាក់ចេញពីតំណែងជាអនុប្រធានាធិ បតីតែប៉ុណ្ណោះ។ ចំពោះស្ថានការណ៍នៅប្រទេសស៊ីរី នាពេលបច្ចុប្បន្នអ្នកការទូតបានឲ្យដឹងថា លោកកូហ្វីអាណន់បានគ្រោងនឹងដាក់អ្នកអង្កេតការណ៍រ បស់អង្គការសហប្រជាជាតិ ដើម្បីបញ្ឈប់ការបាញ់ប្រហារពីគ្រប់ភាគី និងដើម្បីឲ្យប្រជាជនមានសិទ្ធិគ្រប់គ្រាន់ក្នុងការធ្វើ បាតុកម្មដោយគ្មានអំពើហិង្សា។
អ្នកស្រីស៊ូសាន រ៉ាយស៍ (Sasan rice) ប្រធានក្រុមប្រឹក្សាសន្តិសុខ និងជាអ្នកតំណាងអចិន្ត្រៃយ៍របស់សហរដ្ឋអាមេរិក បានឲ្យដឹងថា យើងសង្ឃឹមថា អាជ្ញាធរស៊ីរី នឹងបង្ហាញការយកចិត្តទុកដាក់ក្នុងការអនុវត្តកិច្ច សន្យាឲ្យមានប្រសិទ្ធភាព ដោយគ្មានលក្ខខណ្ឌនោះឡើយ ហើយយើងក៏សង្ឃឹមថា ក្រុមប្រឆាំងនឹងគោរពតាមលក្ខខណ្ឌផងដែរ៕
