ព័ត៌មានអន្តរជាតិ: កូនចៅរបស់បុព្វការីជននាវា Titanic ធ្វើដំណើរតាមផ្លូវដែល១០០ឆ្នាំមុន សោកនាដកម្ម Titanic បានកើតឡើង

នាវាទេសចរណ៍ Balmoral ដឹកកូនចៅរបស់អ្នកដែលបានមានវត្តមានលើនាវា Titanic កាលពីថ្ងៃសៅរ៍ បានចេញដំណើរទៅកាន់កន្លែងដែលនាវាបានលិច បំណងរំលឹកខួបលើកទី១០០ នៃទិវាសោកនាដកម្ម Titanic។

នាវា MS Balmoral ចេញដំណើរទៅកាន់កន្លែងលិចនាវា Titanic

Balmoral ដឹកអ្នកដំណើរ ១.៣០៩ នាក់ ស្មើនឹងចំនួនអ្នកដំណើរលើនាវា Titanic ។ នាវានេះ មានគំរោងនឹងទៅដល់កន្លែងដែល Titanic ជួបគ្រោះថ្នាក់ នៅចុងសប្តាហ៍ក្រោយ ហើយនឹងធ្វើដំណើររំលឹកខួបលើកទី ១០០ ថ្ងៃនាវាលិច វេលាម៉ោង ២ និង ២០ នាទី (ម៉ោង GMT) ថ្ងៃទី១៥ មេសា។

គ្រួសារមួយដែលមានមនុស្សច្រើនជំនាន់ ក្នុងសម្លៀកបំពាក់ នាដើមសតវត្សទី២០ នាំគ្នាថតរូប មុនពេលឡើងនាវា

អ្នកដំណើរនឹងបរិភោគអាហារតាម Memi ដូចនាវា Titanic កាលពី១០០ឆ្នាំមុន

កុមារម្នាក់ដើតួជាអ្នកលក់កាសែត ចុះផ្សាយព័ត៌មានពី Titanic

អ្នកដំណើរ ម្នាក់ ក្នុងបន្ទប់លំដាប់លេខ២ លើនាវា ដែលមានរចនាបថដូច Titanic ត្រូវចំណាយ ៩,០០០ ដុល្លារ សំរាប់ដំណើរ ១២ថ្ងៃ ១២ យប់ ពីទ្វីបអឺរ៉ុប ទៅកាន់ទ្វីបអាមេរិក

អ្នកស្រី Mary និងលោក Tom Dearing មកពីរដ្ឋ Kentueky របស់អាមេរិក ក្នុងសម្លៀកបំពាក់របស់ភ្ញៀវថ្នាក់លេខ១ ថតរូបជាមួយនាវា Balmoral មុនពេលនាវាលាកំពង់ផែ

គំរោងផ្លូវធ្វើដំណើរ តាមនាវា Titanic

នាវា Balmoral ចេញដំណើរពី Southampton ហើយនឹងទៅដល់កន្លែងនាវា Titanic (ដែលជួបគ្រោះថ្នាក់) នៅវេលាម៉ោង ២ និង ២០ នាទី ព្រឹក (ម៉ោង GMT) ថ្ងៃទី១៥ មេសា ២០១២។ បន្ទាប់មកវានឹងបន្តដំណើរទៅកាន់បូរី New York (អាមេរិក) - កន្លែងដែល Titanic ពុំបានចូលសំចតតាមគំរោង ១០០ ឆ្នាំមុន៕