- Friday, 04 May 2012 04:38
ជាមួយរូបភាព នាង និងប្តីជាជនជាតិអាមេរិកាំង ដែលដាក់ចំកណ្តាលផ្ទាំងកៅស៊ូនេះ ស្រ្តីរូបនេះ បានសរសេរចំណងជើងផ្នែកខាងលើថាៈ “គួរស្រឡាញ់ Shenzhen! កុំស្រឡាញ់អាមេរិកាំង!” ។
ផ្នែកខាងក្រោមរូបភាពៈ
“នាងខ្ញុំមានឈ្មោះ Shu Ya” ។ ខ្ញុំបានកំពុងរស់នៅក្នុងក្រុង Shenzhen អស់រយៈពេលជាច្រើនឆ្នាំមកហើយ។ ដោយសារតែស្នេហាខ្ពស់ខ្ពស់ឥតពិចារណារបស់ខ្ញុំ ទៅលើប្រទេសក្រៅ ខ្ញុំក៏បានរៀបអាពាហ៍ពិពាហ៍ជាមួយបុរសអាមេរិកាំងម្នាក់ ដែលខ្ញុំបានជួបគាត់នៅរាត្រីបារមួយនៅ Nanshan ក្រុង Shenzhen អស់រយៈពេល ៣ឆ្នាំ កន្លងមកហើយ ។
ប៉ុន្តែមិនយូរប៉ុន្មានសោះ ខ្ញុំបានរកឃើញថា គាត់ (ប្តី) ត្រូវយកចំណែកនៃប្រាក់ខែរបស់គាត់ ទៅបង់ពន្ធដែលគាត់ជំពាក់រដ្ឋាភិបាលអាមេរិកាំង ហើយរឿងនេះ វាបានកើតឡើងត្រឹមក្នុងរយៈ ៣ឆ្នាំ នៃការរៀបការរវាងខ្ញុំ និងគាត់ ។ ខ្ញុំមិនគ្រាន់តែបានចំណាយលុយដែល ខំសន្សំទុកជាច្រើនឆ្នាំរបស់ខ្ញុំប៉ុណ្ណោះទេ ប៉ុន្តែក៏បន្សល់ទុករាប់សិបបំណុលផងដែរ ។
ខ្ញុំត្រូវគេបោកប្រាក់លុយ ផ្លូវភេទ និងស្នេហា ។ ហើយឥឡូវ ខ្ញុំកំពុងរងទុក្ខវេទនាជាទីបំផុត ដោយសារលទ្ធផលនៃការជ្រើសរើសចង់បានខ្ពង់ខ្ពស់របស់ខ្ញុំ ។
២ ខែ កន្លងមកនេះ ខ្ញុំបានចោទប្រកាន់គាត់ប្រើអំពើហឹង្សាគ្រួសារ ទៅកាន់ប៉ូលីសក្នុងតំបន់ សហរដ្ឋអាមេរិក ។ គាត់ត្រូវបានរកឃើញថា មានកំហុស និងព្យួរទោស ៣ឆ្នាំ ។ ឥឡូវគាត់ត្រូវទៅការិយាល័យព្យួរទោស ១សប្តាហ៍ម្តង ។
បច្ចុប្បន្ន នាងខ្ញុំរវល់បំពេញបែបបទលែងលះជាមួយគាត់ ។ ខណៈគ្រានោះដែរ នាងខ្ញុំចង់ផ្តល់ដំបូន្មាន ក៏ដូចជាអំពាវនាវដល់បងស្រីទាំងឡាយ ដែលកំពុងមានក្តីសុបិន្តចង់បានបុរសអាមេរិកាំងធ្វើជាស្វាមី សូមកុំបោះជំហានតាមរូបនាងនោះអី ។
ទោះជាយ៉ាងណា នេះគ្រាន់តែជារឿងបុក្គលប៉ុណ្ណោះ តែយើងក៏ឃើញមានអ្នកខ្លះ ក៏រួមរស់សមប្រកបជាមួយស្វាមីអាមេរិកាំងយ៉ាងសុខសាន្តផងដែរ ។ តើប្រិយមិត្តមានយោបល់យ៉ាងណាដែរ ចំពោះដំបូន្មាន...ដែលកើតចេញពីក្តីឈឺចុកចាប់របស់ស្រ្តីរូបនេះ ?
