ប្រទេសឡាវបានអញ្ជើញប្រតិភូ ត្រួតពិនិត្យ​មើលរបស់បណ្តាប្រទេស ក្នុងអនុតំបន់ទន្លេ​មេគង្គ រួមមានវៀតណាម ថៃ និងកម្ពុជា ទៅ​កាន់តំបន់ដែលមានគំរោងកសាងទំនប់វារី​អគ្គិសនី Xayaburi ។

តាមរយៈដំណើរទស្សនៈកិច្ចដែលប្រព្រឹត្តទៅពីថ្ងៃ១៦ កក្កដា ដល់ ១៧កក្កដា ឡាវចង់បញ្ជាក់ ថាបានផ្អាកដំណើរអនុវត្តគំរោង ដែលនាំឲ្យ​មានការជជែកវែកញែកដូចខ្លួនបានប្រកាស​មុននោះ ។

សប្តាហ៍កន្លងទៅ ប្រមុខការទូតអាមេរិក Hillary Clinton ។ ក៏បានទៅកាន់តំបន់ខាងលើ​និងអំពាវនាវ ឲ្យរដ្ឋាភិបាលឡាវពិនិត្យឲ្យហ្មត់ចត់ នូវផលវិបាកនៃគំរោង ហើយដកពិសោធន៍​ពីប្រទេសរបស់ អ្នកស្រី ។ អាមេរិកធ្លាប់បាន​អនុវត្តន៍គំរោងកសាងទំនប់វារីអគ្គិសនី ស្រដៀងគ្នានេះនៅទន្លេ Mississippi ហើយផល​វិបាកគ្រោះទឹកជំនន់ និងគ្រោះធម្មជាតិផ្សេងៗ​ទៀតបានកើតឡើង ។

ខណៈពេលនេះដែរ ពលរដ្ឋនៅខេត្តចំនួន៨ ​របស់ថៃ ដែលស្ថិតនៅអាងខាងក្រោមទន្លេ​មេគង្គឲ្យដឹងថា នឹងដាក់ពាក្យ បណ្តឹងអាជ្ញាធរ​អគ្គិសនីប្រទេសនេះ ដោយហេតុផលថា ស្ថាប័ននេះមានគំរោង ទិញអគ្គិសនីមួយភាគធំពី Xayaburi ។