- Thursday, 02 August 2012 15:39
ក្រុងតៃប៉ិ/ប៉េកាំងៈ ព្យុះ ទីហ្វុង ល្បឿនយឺតមួយដែលកំពុងនាំមកនូវទឹកភ្លៀងដូចហែកមេឃ បានវាយប្រហារភាគ ខាងកើតកោះតៃវ៉ាន់ កាលពីព្រលឹមថ្ងៃព្រហស្បតិ៍ ដោយជន់លិចដីកសិកម្មជាច្រើន រំខានដល់ការដឹកជញ្ជូន និង ប្រែក្លាយក្រុងតៃប៉ិដែលធ្លាប់តែអ៊ូរអរទៅជាក្រុងខ្មោចមួយ។
ព្យុះ សៅឡា ដែលបានសម្លាប់មនុស្សយ៉ាងតិច២៣នាក់ នៅហ្វីលីពីន ត្រូវបានគេបន្ទោសថាបានសម្លាប់មនុស្ស៤នាក់ហើយនៅតៃវ៉ាន់ ដោយចំនួនអ្នកបាត់បង់ជីវិតត្រូវបានគេរំពឹងថា កើនឡើង។ តៃវ៉ាន់ បានចេញព្រមានពីភ្លៀង ធ្លាក់ធ្ងន់ធ្ងរ និងខ្យល់បកខ្លាំងលើតំបន់ភាគ ច្រើនបំផុតនៃកោះនេះកាលពីថ្ងៃពុធ ខណៈព្យុះ នេះបានចូលជិត ខណៈនៅចិនលោកនាយករដ្ឋមន្ត្រីវ៉េន ជាប៉ាវ បានប្រាប់ក្រុមអាជ្ញាធរឲ្យ ប្រុងជើងការណ៍ខ្ពស់ការពារការស្លាប់។
ព្យុះ នេះ បានបោកបក់មកដល់ច្រាំងនៅក្បែរ ក្រុងហួលាននៅមុនថ្ងៃត្រង់ មុនពេលងាក ទៅជើង និងនៅនឹងឆ្នេរសមុទ្រ។ ស៊ីនហួ បានរាយការណ៍ ថា ព្យុះនេះត្រូវគេរំពឹងថានឹងវាយប្រហារខេត្ត ហ្វូជាន និងជេជាំងរបស់ចិន។ អ៊ឹម សុនាថ (ភ្នំពេញប៉ុស្តិ៍)
