ថ្ងៃទី 11 ខែកក្កដា ឆ្នាំ2013, ម៉ោង 02:40 AM ប្រែសម្រួលៈ ស៊ុនហ្វាន
ចិន (BBC) : មនុស្សពី៣០ ទៅ៤០នាក់ បានស្លាប់ ដោយសារហេតុការណ៍បាក់ដី នៅខេត្តស៊ឺឈួន បន្ទាប់ពីមានភ្លៀងធ្លាក់យ៉ាងខ្លាំង នេះបើតាមការអះអាង របស់ទីភ្នាក់ព័ត៌មានរដ្ឋចិន។
ទីភ្នាក់ព័ត៌មានចិន ស៊ីនហួរ បាន យោងសម្តីក្រុមមន្ត្រីក្នុងតំបន់ថា ភ្លៀងធ្លាក់យ៉ាងខ្លាំង និងទឹកជំនន់ ក្នុងរយៈពេលប៉ុន្មានថ្ងៃកន្លងមកនេះ បានធ្វើឱ្យផ្ទះជាង៣០០ខ្នង និងមនុស្សជាង៣៦.៨០០នាក់ ត្រូវបានជម្លៀស នៅខេត្តស៊ឺឈួន និងអីុនណាន។
ភ្លៀង នឹងនៅតែបន្តធ្លាក់នៅខេត្តស៊ឺឈួន ក្នុងរយៈពេល២៤ម៉ោងក្រោយ។ ស្ពាន២ បានបាក់ មួយនៅនៅក្រុងជាងយ៉ូវ និងមួយនៅតឺយ៉ាង។ រថយន្ត យ៉ាងតិច ៦គ្រឿង បានរអិលធ្លាក់ ក្នុងស្ទឹង បន្ទាប់ពីភ្លៀងធ្លាក់ ។
បើតាមសម្តីមន្ត្រីក្រុងជាងយ៉ូវ បាននិយាយថា កម្ពស់ទឹកបានកើនឡើងយ៉ាងឆាប់រហ័ស ក្នុងរយៈពេល ៥០ឆ្នាំកន្លងមកនេះ។
គួររំឮកថា កាលពីឆ្នាំ២០១១ មនុស្សជាង៥លាននាក់ ត្រូវបានរងផលប៉ះពាល់ដោយទឹកជំនន់ នៅភាគខាងកើតប្រទេសចិន។ ខណៈដែលនាឆ្នាំ២០០៨ ការរញ្ជួយដី នៅខេត្តស៊ឺឈួន បានបណ្តាលឱ្យមនុស្សជាង៩០.០០០នាក់ បានស្លាប់ និងបាត់ខ្លួន ៕
