ថ្ងៃទី 15 ខែកក្កដា ឆ្នាំ2013, ម៉ោង 02:49 PM
ក្រុងឡុងដ៍៖ និយតករចក្រភពអង់គ្លេសមួយរូបបានឲ្យដឹងថា អគ្គិភ័យនៅលើយន្តហោះម៉ូដែល 787 Dreamliner របស់ក្រុមហ៊ុន Boeing Co ដែលចតនៅក្នុងអាកាសយានដ្ឋាន Heathrowនៅទីក្រុងឡុងដ៍ពុំមានពាក់ព័ន្ធការបំពេញមុខងា រមិនប្រក្រតីរបស់ប្រព័ន្ធអាគុយ
ដែលបានរារាំងមិនឲ្យយន្តហោះប្រភេទនេះហោះហើរកាលដើម ឆ្នាំនេះទេ។ ទីភ្នាក់ងារអង្កេតគ្រោះថ្នាក់យន្តហោះ(AAIB)បានឲ្យដឹង ក្នុងសេចក្តីថ្លែងការណ៍មួយកាលពីថ្ងៃសៅរ៍នៅលើគេហ ទំព័ររបស់ខ្លួនថា ពុំមានភ័ស្តុតាងណាមួយបង្ហាញពីទំនាក់ទំនងផ្ទាល់ពី ប្រព័ន្ធអាគុយថាជាដើមហេតុផ្ទាល់នៅពេលនេះទេ។ ទីភ្នាក់ងាររបស់ចក្រភពអង់គ្លេសមួយនេះបានបន្តឲ្យដឹងថាការស៊ើប អង្កេតនេះនឹងត្រូវចំណាយពេលវេលាពីរបីថ្ងៃទៀត។
ទីភ្នាក់ងារ AAIB កំពុងដឹកនាំការស៊ើបអង្កេតដោយមានជំនួយពីទីភ្នាក់ងាររដ្ឋាភិបាល អាមេរិក ក្រុមហ៊ុនផលិតយន្តហោះប្រភេទ Boeing និងក្រុមហ៊ុនអាកាសចរណ៍ Ethiopian Airlines Enterprise ដែលជាប្រតិបត្តិករយន្តហោះនេះ។ អគ្គិភ័យ នេះបានជំរុញឲ្យមានក្តីបារម្ភពីសុវត្ថិភាពជាថ្មីអំពីយន្តហោះ ស៊េរីថ្មី និងមានបំពាក់បច្ចេកវិទ្យាទំនើបបំផុតរបស់ក្រុមហ៊ុន Boeing មួយនេះ ដោយធ្វើឲ្យភាគហ៊ុនរបស់ក្រុមហ៊ុនផលិតយន្តហោះដែលមានមូលដ្ឋាននៅ ទីក្រុងឈីកាហ្គោមួយនេះធ្លាក់ចុះខ្លាំងបំផុតក្នុងរយៈពេលពីរឆ្នាំ កាលពីថ្ងៃទី១២ ខែកក្កដាកន្លងទៅ។
ក្រុមហ៊ុន Boeing កំពុងព្យាយាមស្តារទំនុកចិត្តចំពោះយន្តហោះម៉ូដែល 787 របស់ខ្លួនឡើងវិញបន្ទាប់ពីបានចតចោលទូទាំងពិភពលោកកាលពីខែមករា ឆ្នាំនេះ ដោយសារការរលាយអាគុយស្ងួតដែលបំពាក់លើយន្តហោះប្រភេទនេះចំនួនពីរ គ្រឿង។
លោក Richard Aboulafia អ្នកវិភាគផ្លូវអាកាសប្រចាំក្រុមហ៊ុន Teal Group ដែលជាក្រុមហ៊ុនផ្តល់ប្រឹក្សានៅទីក្រុង Fairfax ក្នុងរដ្ឋ Virginia បានឲ្យដឹងថា៖ «វាហាក់ដូចជាគ្រាប់កាំភ្លើងដែលរត់យ៉ាងលឿនហើយយើងគេចផុតទាំង លំបាក តែវាមានកត្តាជាច្រើនដែលបង្កឲ្យមានរបួស។ អគ្គិភ័យនេះអាចជួយឲ្យមានការពិនិត្យមើលលើប្រព័ន្ធផ្សេងៗនៅលើ យន្តហោះដើម្បីវាយតម្លៃឡើងវិញ»។
ពុំមាននរណាម្នាក់នៅលើយន្តហោះ 787 Dreamliner របស់ក្រុមហ៊ុនអាកាសចរណ៍ Ethiopian នេះទេ នៅពេលមានអគ្គិភ័យកើតឡើង៕akt
