ថ្ងៃ ចន្ទ ទី ១៥ ខែ កក្កដា ឆ្នាំ ២០១៣ ម៉ោង ១៤:៣១
ប្រភពព័ត៌មានប៉ូលិស
និងមន្ទីរពេទ្យរាយការណ៍ថា
មនុស្សយ៉ាងតិច៣១នាក់បានត្រូវស្លាប់ កាលពីថ្ងៃទី១៤
កក្កដា ក្នុងអំពើហិង្សាថ្មីៗនៅអីុរ៉ាក់
ពិសេសការវាយប្រហារភេរវកម្មមួយចំនួនហាក់ដូចជាមានការ
សម្របសម្រួលគ្នាក្នុងបណ្តាទីក្រុងដែលមានពួកស៊ីអីុតភាគ
ច្រើន។
យោងតាមតុល្យការមួយថា
អំពើហិង្សានៅអីុរ៉ាក់បណ្តាលឱ្យមនុស្សស្លាប់ជាង៣៧០នាក់
ចាប់តាំងពីដើមខែកក្កដាមក និងជាង២.៦០០នាក់ចាប់ពីខែមករាមក
។ការវាយប្រហារយ៉ាងបង្ហូរឈាមទាំងឡាយកាលពីថ្ងៃទី១៤
កក្កដា គឺសំដៅនាពេលយប់លើបណ្តាមូលដ្ឋាននៅភាគកណ្តាល
និងភាគខាងត្បូងអីុរ៉ាក់ ដែលមានពួកស៊ីអីុតភាគច្រើន ។
នៅទីក្រុងគូតចម្ងាយ១៦០គីឡូម៉ែត្រ
ភាគអាគ្នេយ៍ក្រុងបាដាដ មនុស្ស៩នាក់បានត្រូវស្លាប់
ហើយ៤២នាក់ទៀតត្រូវរបួស
ដោយសារការផ្ទុះរថយន្តបង្កប់គ្រឿងផ្ទុះមួយនៅជិតហាងនំប័ុង
មួយ។ ការផ្ទុះរថយន្តដាក់គ្រឿងផ្ទុះមួយទៀត
បណ្តាលឱ្យប៉ូលិស២នាក់ត្រូវរបួស នៅភាគខាងជើងក្រុងហ៊ីលឡា ។
នៅក្រុងគ័របាឡា
ជាទីក្រុងស៊ីអីុតស្ថិតនៅចម្ងាយ១១០គីឡូម៉ែត្រ
ខាងត្បូងក្រុងបាដាដ មនុស្ស៤នាក់ស្លាប់
និង១៩នាក់ទៀតត្រូវរបួសក្នុងការផ្ទុះរថយន្តជិតផ្សារមួយ ។
មនុស្ស២នាក់ស្លាប់
និង២៥នាក់របួសក្នុងការផ្ទុះប្រភេទដូចគ្នានេះនៅក្រុងណា
ស៊ីរីយ៉ាហ៍ ។ នៅកំពង់ផែក្រុងបាស្រា
រថយន្តបង្កប់គ្រឿងផ្ទុះមួយ
ព្រមទាំងគ្រាប់បែកមួយគ្រាប់បានផ្ទុះ
បណ្តាលឱ្យមនុស្សស្លាប់៨នាក់ និងរបួស៣៥នាក់ ។
ចាប់តាំងពីច្រើនឆ្នាំមកហើយ
ប្រទេសអីុរ៉ាក់ប្រឈមមុខនឹងការវាយប្រហារនានារបស់ពួកបះបោរ
ប៉ុន្តែយោងតាមពួកអ្នកជំនាញការថា
ការមិនសប្បាយចិត្តកាន់តែខ្លាំងឡើងក្នុងផ្ទៃនៃសហគមន៍
ស៊ុននីតមានភាគតិចជាងពួកស៊ីអីុត
ដែលរដ្ឋាភិបាលស៊ីអីុតពុំព្រមដោះស្រាយជាការរួមចំណែក
បង្កើនអំពើហិង្សា ។
ប្រការនេះញ៉ាំងឱ្យគេមានការភ័យខ្លាចផ្ទុះសង្គ្រាមសហគមន៍
សាសនារវាងពួកស៊ីអីុត និងពួកស៊ុននីត
ដូចកាលពីឆ្នាំ២០០៦ទៅ២០០៧ ៕
