ប្រទេសឡាវ៖ ឧបនាយករដ្ឋមន្ត្រីនិងជារដ្ឋមន្ត្រីការពារជាតិឡាវ លោក ដួងចៃ ភិជិត( Douangchay Phichit) និងមន្ដ្រីជាន់ ខ្ពស់ក្នុងជួររដ្ឋាភិបាលជាច្រើនរូបទៀត ត្រូវបានគេអះអាងថា បានស្លាប់នៅក្នុងការធ្លាក់យន្តហោះយោធានៅថ្ងៃទី១៧ ខែឧសភា ឆ្នាំ២០១៤នេះ ស្ថិតនៅភាគខាងជើងប្រទេសឡាវ។
បើតាមប្រភពពីកាសែតបាងកកប៉ុស្ដិ៍ ផ្សព្វផ្សាយថា យន្ដហោះយោធានេះជា ប្រភេទ NA74-300 បានធ្លាក់នៅវេលា ម៉ោង៦និង៣០នាទីព្រឹក ថ្ងៃទី១៧ ខែ ឧសភា ស្ថិតនៅភាគឦសាន ខេត្ដ Xiang Khoung ក្រោយការហោះ ហើរចេញពីទីក្រុងវៀងច័ន្ទ ប្រទេសឡាវ។
ប្រភពបន្ដទៀតថា អ្នកធ្វើដំណើរក្នុងយន្ដហោះនេះមានចាប់ពី១៨នាក់ ដល់២០នាក់ ដែលក្នុងនោះរួមមានរដ្ឋមន្ដ្រីក្រសួងការពារជាតិឡាវ លោក ដួងចៃ ភិជិត, អភិបាលក្រុងវៀងច័ន្ទ លោក សូខាញ់ ម៉ាហាឡាត (Soukanh Mahalath), រដ្ឋមន្ដ្រីសន្ដិសុខសាធារណៈ លោកថុង បាញ់ សេនហ្គាហ្វូន និងមន្ដ្រីសំខាន់ៗដទៃផ្សេងទៀត។
មូលហេតុបណ្ដាលឱ្យធ្លាក់យន្ដហោះ នេះនៅមិនទាន់បានបញ្ជាក់នៅឡើយ។
ព័ត៌មានចុងក្រោយស្ដីអំពីហេតុការណ៍នេះបញ្ជាក់ថាអ្នកដំណើរក្នុងយន្ដហោះ៣នាក់មានភ័ព្វសំណាងរួចផុតពីសេចក្ដីស្លាប់។
យោងតាមកាសែតថៃរ៉ាត មនុស្សពី១៨ទៅ២០នាក់បានស្ថិតនៅក្នុងយន្តហោះ និងមានតែ៣នាក់នៅមានជីវិត រួមមានអ្នកបើកអមម្នាក់ គិលានុបដ្ឋាកយិការម្នាក់និងមនុស្សមិនស្គាល់អត្តសញ្ញាណម្នាក់។
ទីភ្នាក់ងារសារព័ត៌មានក្យូដូ បានរាយការណ៍មុននេះថា ពួកមន្ត្រីឡាវទាំងនេះបានធ្វើដំណើរទៅខេត្តសៀងខួងសំរាប់ចូលរួមពិធីផ្លូវការមួយ តែយន្តហោះបានធ្លាក់មុនចុះចត។
សូមបញ្ជាក់ថា កាលពីខែតុលា ឆ្នាំ ២០១៣ យន្ដហោះឡាវ ប្រភេទATR-72 បានហោះហើរក្នុងអំឡុងពេលមានខ្យល់ ព្យុះខ្លាំងមួយ ហើយបានធ្លាក់ចូលទៅក្នុង ទន្លេមេគង្គបណ្ដាលឱ្យអ្នកដំណើរក្នុងនោះ ៤៩នាក់បាត់បង់ជីវិត ក្នុងនោះមានជន ជាតិខ្មែរម្នាក់ដែលជាអ្នកបញ្ជាយន្ដហោះ នោះផងដែរ៕ចេញផ្សាយថ្ងៃទី 17-05-2014, 6:41 pm) | ពលសេនា
លោកដួងចៃ ភិជិត ( Douangchay Phichit) បាត់បង់ជីវិតក្នុងការធ្លាក់យន្តហោះកាលពីថ្ងៃសៅរ៍ ទី១៧ ខែឧសភា ឆ្នាំ២០១៤ នៅភាគខាងជើងប្រទេស
