កុ្រមអ្នកជួយសង្គ្រោះ បានបញ្ឈប់ការ ស្វែងរកអ្នកដំណើរ ដែលបានបាត់ខ្លួននៅក្នុង គ្រោះថ្នាក់លិចសាឡាងមួយ នៅប្រទេសបង់ក្លាដែស នៅថ្ងៃសៅរ៍ បន្ទាប់ពីបានស្រង់សាក សពមនុស្សចំនួន៤០នាក់ ដែលបង្កឱ្យមានកំហឹង នៅក្នុងចំណោមសាច់ញាតិនៃអ្នកដំណើរ ។
ប្រធានអាជ្ញាធរដឹកជញ្ជូនជើងទឹកបង់ក្លាដេស លោកស៊ាមសុដូហា ខានដាគឹ (Sham- suddoha Khandaker) បានឱ្យដឹងថា ក្រុម អ្នកមុជនឹងចាកចេញពីតំបន់ទន្លេ Meghna កន្លែងដែលកប៉ាល់ M.V Miraz-4 បានលិច នៅក្នុងព្យុះមួយ កាលពីថ្ងៃព្រហស្បតិ៍ ។ នៅ មានភាពមិនច្បាស់លាស់នៅឡើយ អំពីចំនួន អ្នកដំណើរពិតប្រាកដនៅលើនាវា ហើយអាជ្ញាធរ មិនបានផ្តល់ នូវបញ្ជីឈ្មោះឱ្យពេញលេញណា មួយទេ ។
លោកបាននិយាយថា យើងកំពុងអំពាវនាវ ឱ្យបញ្ចប់ការស្វែងរក ដោយសារតែកប៉ាល់ត្រូវ បានគេសណ្តោងចេញទៅច្រាំងរួចហើយ និង យើងរកមិនឃើញមានសាកសពទៀតទេ ។ ចំនួនសាកសព ដែលក្រុមសង្គ្រោះបានស្រង់មក មាន៤០នាក់ ។ លោកសេនហ្វូល ហូសាន់ មន្ត្រីរដ្ឋបាល មូលដ្ឋាន បាននិយាយថា ប្រតិបត្តិករនាវានៅ បង់ក្លាដេស ជាធម្មតាមិនដែលមានបញ្ជីឈ្មោះ នៃអ្នកដំណើរទេ ហើយក៏គ្មានបញ្ជីឈ្មោះអ្នកដំណើរ នៅក្នុងគ្រោះមហន្តរាយចុងក្រោយ បំផុតនេះដែរ ។ សាច់ញាតិអ្នកដំណើរម្នាក់បានសួរ “ខ្ញុំមិន បានឃើញបងប្រុសទេ គាត់នៅឯណា? ហេតុអ្វី បានជាអាជ្ញាធរបញ្ឈប់ការស្វែងរក?” ។
ប៉ូលិស បានប៉ាន់ប្រមាណថា យ៉ាងហោចណាស់១០០ នាក់ត្រូវបានបាត់ខ្លួន ។ អ្នកមុជទឹកសង្គ្រោះម្នាក់ លោកម៉ាស៊ុឌុល ហាឃ្ចី (Masudul Haque) បានឱ្យដឹង កាលពីល្ងាចថ្ងៃសុក្រថា លោកបានរកឃើញ សាកសព៩នាក់ ប៉ុន្តែមានច្រើនទៀតបានជាប់ ក្នុងបន្ទប់កាប៊ីន ។ លោកបានថ្លែងថា យើងបាន រកឃើញសាកសពភាគច្រើន ពីដំបូលក្រោម និងនៅខាងក្រៅ ប៉ុន្តែមិនអាចបើកទ្វារបន្ទប់ កាប៊ីនបានទេ ដែលអ្នកដំណើរជាច្រើនបានសម្ងំ បន្ទាប់ពីព្យុះបានបោកបក់ ។ “ខ្ញុំបានព្យាយាម បើកទ្វារទាំងនោះ ប៉ុន្តែមិនអាចបើកបាន ដោយសារតែមានទំហំដីខ្សាច់ច្រើនពេក ដែលបាន កប់ពីលើទ្វារ” ។
សាច់ញាតិបានមកប្រមូលផ្តុំគ្នា នៅលើ ច្រាំងទន្លេ Meghna នៅជិតកន្លែងដែល សាឡាងបានក្រឡាប់ ។ សាកសពជាច្រើនមាន គ្របក្រណាត់ បានដាក់រដូករណែលនៅលើដី ។ លោកមហាម៉េត អាលី ជាប្រធាននាយករដ្ឋានដឹកជញ្ជូនទឹកសាបបង់ក្លាដេស បាន និយាយថា សាឡាងនេះបានដឹកលើសទម្ងន់ ហើយនៅដំបូលក្រោមបានផ្ទុកទំនិញ ។
ក្រុមមន្ត្រីកំពុងស៊ើបអង្កេត ថាតើនាវានេះដឹកលើស ទម្ងន់ ឬរចនាឡើងខុសបច្ចេកទេស ។ ការដឹកជញ្ជូនតាមទឹកគឺពេញនិយមណាស់ នៅក្នុងប្រទេសតំបន់ដីសណ្តមួយនេះ ហើយ ទន្លេ Meghna ជាកន្លែងមានគ្រោះថ្នាក់យ៉ាង ច្រើនកន្លងទៅ ។ នៅឆ្នាំ២០១២ យ៉ាងហោច ណាស់មនុស្ស ១៥០នាក់បានស្លាប់ នៅពេល នាវាដឹកអ្នកដំណើរ ប្រមាណ២០០នាក់បានលិច នៅពេលយប់ក្នុងទន្លេនេះ ។ នៅក្នុងឆ្នាំ២០០៣ នាវាមួយដែលផ្ទុកមនុស្សចង្អៀតណែនតាន់តាប់ បានក្រឡាប់នៅក្នុងទឹកជំនន់ នៅចំណុចប្រសព្វ នៃទន្លេ Padma ទេន្លេ Meghna និងទន្លេ Dakatia នៅជិតរដ្ឋធានីដាកា ។ មានមនុស្ស រហូតដល់ទៅ៤០០នាក់បានស្លាប់ ៕
