ដោយ ៖ សាធី|ថ្ងៃទី 30 មិថុនា 2014 ម៉ោង 18:27:35
ប្រភពព័ត៌មានប៊ីប៊ីស៊ីបានផ្សព្វ ផ្សាយនៅថ្ងៃទី២៩ ខែមិថុនា ឆ្នាំ២០១៤ថា រដ្ឋាភិបាលអ៊ីរ៉ាក់ទើបតែទទួលបាន យន្ដហោះចម្បាំង៥គ្រឿងដែលទិញពី ប្រទេសរុស្ស៊ីដើម្បីធ្វើសកម្មភាពប្រយុទ្ធ ប្រឆាំងក្រុមភេរវកម្មសាន់នីដែលកំពុង គ្រប់គ្រងភាគខាងជើងអ៊ីរ៉ាក់ ។
ក្រុមឧទ្ទាមសាន់នីដោយរួមបញ្ចូល ទាំងក្រុមដែលហៅខ្លួនឯងថា រដ្ឋអ៊ិែស្លាម អីរ៉ាក់ឬISIL នោះកំពុងគ្រប់គ្រងតំបន់ ជាច្រើនស្ថិតនៅភាគខាងជើងអ៊ីរ៉ាក់ ក្រោយពីក្រុមនេះបានធ្វើសកម្មភាព ដណ្ដើមពីរដ្ឋាភិបាលតាំងពី៣សបា្ដហ៍ កន្លងមក ។
កាលពីថ្ងៃទី២៨ ខែមិថុនា កម្លាំងរដ្ឋា ភិបាលអ៊ីរ៉ាក់បានប្រកាសថា ទាហាន រដ្ឋាភិបាលបានវាយដណ្ដើមគ្រប់គ្រងទី ក្រុងTikrit ដែលក្រុមភេរវករបានកាប់ កាប់នាពេលថ្មីៗនោះ។ ទូរទស្សន៍រដ្ឋបាន ផ្សព្វផ្សាយថា ពួកឧទ្ទាម៦០នាក់ត្រូវ បានសម្លាប់ក្នុងខណៈដែលកម្លាំងរដ្ឋាភិ បាលចាប់ប្រតិបត្ដិការឆ្ពោះទៅកាន់ភាគ ខាងដើងដើម្បីដណ្ដើមគ្រប់គ្រងឡើងវិញទីក្រុង ម៉ូស៊ូល ពីសំណាក់ពួកភេរវករ។
ក្រសួងការពារជាតិអ៊ីរ៉ាក់បានបញ្ជាក់ថា យន្ដហោះចម្បាំងប្រភេទ SU-25 (ប្រភពខ្លះថា យន្ដហោះចម្បាំងប្រភេទ SU-30)ត្រូវបញ្ជូនពីរុស្ស៊ីមកកាន់ អ៊ីរ៉ាក់ ។ យន្ដហោះទាំងនេះមានតម្លៃ រហូតដល់៥០០លានដុល្លារដែលរដ្ឋាភិ បាលអ៊ីរ៉ាក់ទិញពីរុស្ស៊ី។ អ៊ីរ៉ាក់ត្រូវ ការយន្ដហោះចម្បាំងប្រភេទនេះដើម្បី វាយប្រហារពួកភេរវកម្មស្ថិតនៅតំបន់ ភាគខាងជើង ៕
