ព័ត៌មានអន្តរជាតិ: មនុស្សជាង៤០នាក់បានស្លាប់ ក្នុងការវាយប្រហារជាថ្មីទៀតនៅស៊ីរី

មនុស្សជាង៤០នាក់បានស្លាប់ ក្នុងការវាយប្រហារជាថ្មីទៀតនៅស៊ីរី

Posted by Email:knewdaynews@yahoo.com Friday, February 10, 2012

ថ្ងៃទី 10 ខែកុម្ភៈ ឆ្នាំ2012, ម៉ោង 03:42 PM ប្រែសម្រួលៈ ម៉ាណែត

ប្រជាជនប្រចាំតំនប់បានប្រាប់ភ្នាក់ងារព័ត៌មានBBCថា ទីក្រុង ហមស៍ប្រទេសស៊ីរី បានទទួលរងនូវការវាយប្រហារជាថ្មីម្តងទៀត។
ក្រុមសកម្មជន បាននិយាយថា ជនស៊ីវិលប្រមាណជាង ៤០នាក់បានស្លាប់បាត់បង់ជីវិត ដែលឲ្យមានការបាញ់ប្រហារថ្មីមួយទៀតដែលពិបាកនឹងគូស បង្ហាញ។
ការវាយប្រហារនេះ បានកើតឡើងបន្ទាប់ពីលោកប្រធានាធិបតី បាសារ អាល់អាសាដ បានសន្យាជាមួយនឹងរដ្ឋមន្រ្តីក្រសួងការបរទេស រូស្ស៊ីថា លោកនឹងបញ្ចប់ការវាយប្រហារនេះ ហើយចាប់ផ្តើមធ្វើការចរចាទ្វេភាគី។
កាលពីសប្តា ហ៍មុន ប្រទេសរុស្ស៊ីនិង ចិនបានធ្វើការរារាំងការដោះស្រាយរបស់ក្រុមប្រឹក្សាស ន្តិសុខអង្គការសហប្រជាជាតិ។
អ្នកយកព័ត៌មានរបស់BBCឈ្មោះ ផូល វូដ(Poul Wood) ដែលឥឡូវនេះកំពុងស្ថិតនៅជាយក្រុង ហមស៍ ជាមួយនឹងក្រុមឧទ្ទាមជាច្រើន បាននិយាយថាប្រជាជនសឹងតែទាំងអស់ត្រូវបានប្រមូលផ្តុំនៅខាងក្នុងផ្ទះ ហើយគ្មាននរណាម្នាក់ហ៊ានចេញមកខាងក្រៅឡើយ។
ប្រជាជនមួយរូបនៅក្នុងតំបន់ បាបា អាយ នៅទីក្រុង ហមស៍ បានប្រាប់ភ្នាក់ងារBBCថា គ្រាប់រ៉ុក្កែត និងគ្រាប់កាំភ្លើងត្បាល់បានបាញ់តម្រង់មកលើផ្ទះប្រជាជន ហើយទារកតូចម្នាក់ត្រូវបានស្លាប់ នៅពេលដែលគ្រាប់រ៉ុក្កែតមួយគ្រាប់ធ្លាក់ចំពីលើផ្ទះអ្ន កជិតខាង។
កាលពីថ្ងៃអង្គារកន្លងទៅនេះ ប្រធានាធិបតី បានប្រាប់មន្រ្តីក្រសួងការបរទេសរុស្ស៊ី សឺហ្គី ឡាវរ៉ូវ(Sergei Lavrov)ថា លោកបានរៀបចំគម្រោងសហការរួមគ្នាដើម្បីធ្វើឲ្យប្រទេសមានស្ថិរភាព។
ផ្អែកតាមកិច្ចពិភាក្សានៅទីក្រុង ដាម៉ាសគូស(Damascus) លោក ឡាវរ៉ូវបានស្នើសុំ ឲ្យរៀបចំកិច្ចពិភាក្សារវាងអភិបាលកិច្ច និងការជំទាស់ប្រឆាំងរបស់ប្រទេសស៊ីរីផងដែរ។
ចាប់តាំងពីថ្ងៃសុក្រសប្តាហ៍មុន នៅក្នុងទីក្រុងហមស៍ ប្រជាជនរាប់រយនាក់បានស្លាប់បាត់បង់ជីវិតនៅក្នុងកា រវាយប្រហារដ៏ខ្លាំងក្លានេះ។
ជាមួយគ្នានេះ ដែរក្រុមសិទ្ធិមនុស្សនិងក្រុមសកម្មជនជាច្រើននាក់បាននិយាយថា មនុស្សប្រមាណជាង៧០០០នាក់ ត្រូវបានសម្លាប់ដោយកងដម្លាំងសន្តិសុខរបស់ស៊ីរីចា ប់តាំងពីខែមីនាឆ្នាំទៅមិញ៕