កូឡុំប៊ី(BBC) : ថ្មីៗនេះ តុលាការប្រទេសកូឡុំប៊ី បានសម្រេចចេញដីកាចាប់ខ្លួនអតីតគណៈកម្មការសន្តិភា ព គឺលោក ល្វីស ខារឡូស រ៉េឡូស រ៉េស្រ្តេផូ(Lvis Carlos Restrepo) ពីបទក្លែងបន្លំ អចលភាពនៃក្រុមអ្នកបះបោរកុលសម្ព័ន្ធ ហ្វាក(Farc)។
តុលាការបានចោទប្រកាន់ថា លោក ល្វីស បានព្យាយាមបញ្ជុះបញ្ជូល ឧក្រិដ្ឋជន និងអ្នកគ្មានការងារធ្វើ ដើម្បីបង្កើតជាក្រុមបះបោរកុលសម្ព័ន្ធ ហ្វាក(Farc) និងប្រគល់ខ្លួនពួកគេឲ្យអាជ្ញាធរនៅឆ្នាំ២០០៦ ដើម្បីបំប៉ោងព័ត៌មានថា ចំនួនក្រុមបះបោរឆ្វេងនិយមមានចំនួនច្រើន។ ប៉ុន្តែ កាលពីឆ្នាំមុន ពួកគេបានឲ្យដឹងថា ពួកគេមិនដែលមានទំនាក់ទំនងជាមួយក្រុមអ្នកបះបោរនោះឡើយ។
ប្រការនេះហើយ ទើបលោកត្រូវបានតុលាការហៅឲ្យចូលខ្លួនទៅបកស្រាយលើក រណីដែលបានចោទប្រកាន់ខាងលើ តែលោកល្វីសបានធ្វើការបដិសេធ និងគេចខ្លួនទៅក្រៅប្រទេស។ តែក្នុងករណីដែលអ្នកទោសត្រូវបានគេរកឃើញ លោកអាចនឹងជាប់ពន្ធនាគារយ៉ាងតិច៦ឆ្នាំ។
គួរប ញ្ជាក់ថា លោកល្វីស បានបម្រើការងារជាគណៈកម្មការសន្តិភាពរបស់កូឡុំប៊ីក្នុងរវាឆ្នាំ ២០០២-២០០៩ ហើយលោកគឺជាជនទី៣ហើយ ដែលគេចខ្លួនចេញពីប្រទេសបន្ទាប់ពីត្រូវជាប់សង្ស័យជា មួយនឹងករណីឧក្រិដ្ឋកម្ម ព្រោះកន្លងមកលោកស្រី ម៉ារៀ ដេល ភីឡារ ហឺតាដូ(Maria del pilar hurtado) ជាអតីតប្រធានផ្នែកប៉ូលិសសម្ងាត់បានត្រូវគេ ហាមឃាត់លើសិទ្ធិនយោបាយបន្ទាប់ពីលោកស្រីត្រូវបានគេចោទប្រកាន់ពីបទ លួចរក្សាទុកសំឡេងទូរស័ព្ទដោយខុសច្បាប់។ ក្រៅពីនេះអតីតមន្រ្តីក្រសួងមហាផ្ទៃមួយរូបលោក សាបាស ព្រីថេលត៍ ដឺឡា វីហ្គា(Sabas Pretelt De La Vega) ក៏បានចាកចេញពីប្រទេសផងដែងបន្ទាប់ពីលោកត្រូវបានគេចោទប្រកាន់ពីបទទទួលសំណូក៕
