ប៉ូលិសថៃបាននិយាយថា បុរសជនជាតិអ៊ីរ៉ង់ម្នាក់ត្រូវបានចាប់ខ្លួន ដោយសង្ស័យថា ជាអ្នកវាយប្រហារដោយគ្រាប់បែកទៅលើប៉ូលិសថៃកាលពីថ្ងៃអង្គារ ក្នុងទីក្រុងបាងកក។
បុរសជនជាតិអ៊ីរ៉ង់ដែលត្រូវចាប់ខ្លួននោះ គឺជាបុរសម្នាក់ក្នុងចំណោមគ្នីគ្នា៣នាក់ ដែលបានគប់គ្រាប់បែកទៅលើរថយន្តតាក់ស៊ីមួយគ្រឿងដែលមិនព្រមឈប់ បន្ទាប់មកបានគប់គ្រាប់បែកមួយគ្រាប់ទៀតទៅលើប៉ូលិសនៅតាមផ្លូវ ដ៏មមាញឹកមួយក្នុងទីក្រុងបាងកក ដែលបានបណ្តាលឲ្យបុរសអ្នកគប់នោះដាច់ជើងរបស់ខ្លួនឯង។
តាមឧត្តមសេនីយ៍ ពិសិត ភិស៊ូធីសាក់ ស្នងការរងប៉ូលិសក្រុងបាងកកបាននិយាយថា គេបានរកឃើញអត្តសញ្ញាណប័ណ្ណជនជាតិអ៊ឺរ៉ង់នៅលើបុរសរងរបួសនោះ ពេលដែលគេបញ្ជូនគាត់ទៅកាន់មន្ទីរពេទ្យ។
លោកស្រី យីងឡាក់ ស៊ីណាវ៉ាត្រា បានចេញមកធ្វើការអំពាវនាវមួយភ្លាមៗទៅកាន់ប្រជាជនថៃមិនឲ្យធ្វើ ការសន្និដ្ឋានផ្តេសផ្តាស់ចំពោះហេតុការណ៍នេះ និងមិនត្រូវភ័យតក់់ស្លុតឡើយ។ ជាមួយគ្នានេះ សន្តិសុខត្រូវបានគេរឹតបន្តឹងនៅគោលដៅនានាក្នុងទីក្រុងបាងកក ក្នុងនោះមានស្ថានទូតអ៊ីស្រាអែល និងសង្កាត់ខាវសាន ដែលមានជនបរទេសស្នាក់នៅច្រើន។
ការបំផ្ទុះគ្រាប់បែកនៅកណ្តាលទីក្រុងបាងកកកាលពីថ្ងៃអង្គារ ម្សិលមិញ គឺធ្វើឡើងមួយថ្ងៃបន្ទាប់ពីមានការវាយប្រហារដូចគ្នានេះទៅលើ បុគ្គលិកស្ថានទូតអ៊ីស្រាអែលក្នុងរដ្ឋធានីរបស់ប្រទេសឥណ្ឌា និងហ្សកហ្ស៊ី។ ដែលការវាយប្រហារនេះត្រូវប្រទេសអ៊ីស្រាអែលចោទថា គឺជាការរៀបចំផែនការដោយប្រទេសអ៊ីរ៉ង់។
ជាមួយហេតុការណ៍នេះ ប្រទេសអង់គ្លេសកាលពីថ្ងៃម្សិលមិញក៏បានព្រមានផងដែរ ចំពោះពលរដ្ឋរបស់ខ្លួនដែលកំពុងស្ថិតនៅក្នុងប្រទេសថៃ ឲ្យមានការប្រុងប្រយ័ត្ន៕
ប៉ូលិសថៃកំពុងពិនិត្យមើលកន្លែងបំផ្ទុះគ្រាប់បែកកាលពីថ្ងៃអង្គារក្នុងទីក្រុង បាងកក (រូប៖AP)
តាមឧត្តមសេនីយ៍ ពិសិត ភិស៊ូធីសាក់ ស្នងការរងប៉ូលិសក្រុងបាងកកបាននិយាយថា គេបានរកឃើញអត្តសញ្ញាណប័ណ្ណជនជាតិអ៊ឺរ៉ង់នៅលើបុរសរងរបួសនោះ ពេលដែលគេបញ្ជូនគាត់ទៅកាន់មន្ទីរពេទ្យ។
លោកស្រី យីងឡាក់ ស៊ីណាវ៉ាត្រា បានចេញមកធ្វើការអំពាវនាវមួយភ្លាមៗទៅកាន់ប្រជាជនថៃមិនឲ្យធ្វើ ការសន្និដ្ឋានផ្តេសផ្តាស់ចំពោះហេតុការណ៍នេះ និងមិនត្រូវភ័យតក់់ស្លុតឡើយ។ ជាមួយគ្នានេះ សន្តិសុខត្រូវបានគេរឹតបន្តឹងនៅគោលដៅនានាក្នុងទីក្រុងបាងកក ក្នុងនោះមានស្ថានទូតអ៊ីស្រាអែល និងសង្កាត់ខាវសាន ដែលមានជនបរទេសស្នាក់នៅច្រើន។
ការបំផ្ទុះគ្រាប់បែកនៅកណ្តាលទីក្រុងបាងកកកាលពីថ្ងៃអង្គារ ម្សិលមិញ គឺធ្វើឡើងមួយថ្ងៃបន្ទាប់ពីមានការវាយប្រហារដូចគ្នានេះទៅលើ បុគ្គលិកស្ថានទូតអ៊ីស្រាអែលក្នុងរដ្ឋធានីរបស់ប្រទេសឥណ្ឌា និងហ្សកហ្ស៊ី។ ដែលការវាយប្រហារនេះត្រូវប្រទេសអ៊ីស្រាអែលចោទថា គឺជាការរៀបចំផែនការដោយប្រទេសអ៊ីរ៉ង់។
ជាមួយហេតុការណ៍នេះ ប្រទេសអង់គ្លេសកាលពីថ្ងៃម្សិលមិញក៏បានព្រមានផងដែរ ចំពោះពលរដ្ឋរបស់ខ្លួនដែលកំពុងស្ថិតនៅក្នុងប្រទេសថៃ ឲ្យមានការប្រុងប្រយ័ត្ន៕
