ព័ត៌មានអន្តរជាតិ: អគ្គីភ័យសម្លាប់អ្នកទោស ២៧២នាក់ ក្នុងគុកមួយនៅហុងឌុយរ៉ាស់

អគ្គីភ័យសម្លាប់អ្នកទោស ២៧២នាក់ ក្នុងគុកមួយនៅហុងឌុយរ៉ាស់

Posted by Email:knewdaynews@yahoo.com Thursday, February 16, 2012

ថ្ងៃទី 16 ខែកុម្ភៈ ឆ្នាំ2012, ម៉ោង 03:08 PM ប្រែសម្រួលៈ ម៉ាណែត

មន្រ្តីបាននិយាយថា គ្រោះអគ្គីភ័យមួយបានឆាបឆេះពន្ធនាគារក្នុងប្រទេស ហុងឌុយរ៉ាស់ ដែលបណ្តាលឲ្យអ្នកទោសយ៉ាងហោចណាស់ ២៧២នាក់ បានស្លាប់បាត់បង់ជីវិត នៅក្នុងឧបទ្ទវហេតុនោះ។
ប្រធានសេវាកម្មច្បាប់ប្រចាំតំបន់លោក លូស៊ី ម៉ារដឺរ(Lucy Marder) បានប្រាប់ភ្នាក់ងារព័ត៌មានរ៉យទ័រថា នេះជារបាយការណ៍ជំហានដំបូងតែប៉ុណ្ណោះ ហើយចំនួនអ្នកស្លាប់អាចនឹងមានការកើនឡើងផងដែរ។
សាច់ញាតិអ្នកទោសជាច្រើននាក់ បាននិយាយថា អ្នកទោសមួយចំនួន បានរំដោះខ្លួនចេញពីអគ្គីភ័យតាមដំបូលអគារ ហើយលោកចុះមកក្រោមចេញពីគុកមួយ ក្នុងទីក្រុង កូម៉ាយ៉ាហ្គុល(Comayaua)។
មកទ ល់ពេលនេះ មន្រ្តីបច្ចេកទេសកំពុងធ្វើការត្រួតពិនិត្យថា តើបញ្ហាប្រព័ន្ធអគ្គិសនីបានបង្កឲ្យមានការឆាបឆេះឬ យ៉ាងណា?
អគ្គីភ័យនេះ បានឆាបឆេះកាលពីរំលងអធ្រាត្រអង្គារ ហើយត្រូវចំណាយពេលជាងមួយម៉ោង ដើម្បីគ្របសង្កត់ភ្លើងឆេះយ៉ាងសន្ធោសន្ធៅនេះ បានទាន់ពេលវេលា។
អ្នកទោសជាច្រើនាក់បានស្លាប់បា ត់បង់ជីវិតដោយសារជាប់គាំងនៅក្នុងរបងគុក ហើយត្រូវបានឆាបឆេះពេញរាងកាយ។
ជាមួយគ្នានេះដែ រ មន្តីរពេទ្យប្រចាំតំបន់ជាច្រើនកន្លែង កំពុងតែពិនិត្យព្យាបាលអ្នកទោសជាច្រើននាក់ដែលបានរ លាក និងរងរបួសផ្សេងទៀត។
លោក ហេកទ័រ អ៊ីវេន មីជៀរ មកពីនាយកដ្ឋានរដ្ឋលេខាធិការសន្តិសុខរបស់រដ្ឋភិ បាល បានប្រាប់ភ្នាក់ងារព័ត៌មាន រ៉យទ័របន្ថែមថា អគ្គីភ័យនេះកើតឡើងបណ្តាលមកពីខ្សែចរន្តសៀគ្វីអគ្គិស នីខ្លីពេក។ ប៉ុន្តែភ្នាក់ងារសារព័ត៌មាន ហុងឌុយរ៉ាស់ បានរាយការណ៍ថា ដោយសារតែមានបាតុកម្មក្នុងពន្ធនាគារ មុនពេលដែលអគ្គីភ័យបានឆាបឆេះឡើង៕