ម៉ិកស៊ិក(BBC) : ទាហានម៉ិកស៊ិកបាននិយាយថា ពួកគេរឹបអូសបានសារធាតុ មេតំ ហ្វេតាមីន(Metham Phetamine) ១៥តោននៅរដ្ឋ ចាលីស្កូ(Jalisco) ភាគខាងលិច។
ការរឹបអូសនេះចាត់ទុកជាការរឹបអូសដ៏ធំមួយនៅម៉ិ កស៊ិកដែលមិនធ្លាប់មានពីមុនមក បន្ទាប់ទីមានការឲ្យតម្រុយពីអ្នកស្រុក។ ផលិតផលមេតំ ហ្វេតាមីន កំពុងតែមានការកើនឡើង ជាខ្លាំងនៅម៉ិកស៊ិក ខណៈដែលរោងចក្រ ស៊ីណាឡូ(Sinaloa) កំពុងតែរត់ពន្ធគ្រឿងញៀនជាច្រើនទៅកាន់សហរដ្ឋអាមេរិក។
លោកឧត្តមសេនីយ៍ ហ្គីលបឺរតូ ហឺរណាដេស អែនដ្រូ(Gilberto Hernaudez Andreu) មានប្រសាសន៍ថា កសិដ្ឋាននេះត្រូវបានគេប្រើប្រាស់ជាមន្ទីរពិសោធន៍ដើម្បីផលិតថ្នាំលេប ហឺត ជក់ និងចាក់។ លោកឧត្តមសេនីយ៍រូបនេះនិយាយថា “នេះគឺជាការរឹបអូសបានដ៏ធំធេងមួយដែលមិនធ្លាប់មានពីមុនមក មេតំហ្វេតាមីន ១៥តោន គ្រីស្តាល់ ៥គីឡូក្រាម និង សារធាតុគីមីផ្សេងៗទៀត៧តោន”។ ទោះជាយ៉ាងណាពុំមាននរណាម្នាក់ត្រូវបានចាប់ខ្លួនក្នុង ប្រតិបត្តិការវាយឆ្មក់នេះទេ។ ក្រសួងការពារជាតិម៉ិកស៊ិកនិយាយថា កងកម្លាំងសន្តិសុខបានរកឃើញមន្ទីរពិសោធន៍ ៧នៅក្នុងរដ្ឋចាលីឡូក្នុងឆ្នាំនេះ៕
