ប៉ូលិសក្រុងសេអ៊ូលប្រទេសកូរ៉េខាងត្បូង បានធ្វើការចាប់ខ្លួនបុរសម្នាក់ខណៈដែលបុរសរូបនោះ បានរៀបចំបូជណីយដ្ឋានដើម្បីគោរពបូជា ក៏ដូចជាចូលរួមកាន់ទុក្ខដល់អតីតមេដឹកនាំកូរ៉េខាង ជើងលោក គីម ជុង អ៊ីល ដែលបានស្លាប់បាត់បង់ជីវិតកាលពីខែធ្នូកន្លងទៅនេះ។
ប៉ូលិសកូរ៉េខាងត្បូង បាននិយាយថា ជនសង្ស័យមួយរូបនោះ បានរៀបចំទីគោរពបូជាលោក គីម ជុង អ៊ីល នៅកណ្តាលទីក្រុងសេអ៊ូល ហើយក៏បាននាំយកសម្ភរនិយមរបស់កូរ៉េខាងជើង បង្ហោះចែកចាយតាមអ៊ីនធើរណេតផងដែរ។
ទង្វើទាំង នេះ ត្រូវបានហាមឃាត់ដោយយោងតាមច្បាប់វាទប្បដិវាទរបស់ កូរ៉េខាងត្បូងដោយបានលើកសរសើរ និង តម្កើង ឬ សម្តែងសេចក្តីអាណិតអាសូរចំពោះ មេដឹកនាំផ្តាច់ការរូបនេះ ឬក៏ស្ថាប័នប្រឆាំងនឹងរដ្ឋាភិបាលផងដែរ។
ក្រុម សិទ្ធិមនុស្ស បាននិយាយថា ច្បាប់សន្តិសុខជាតិ កំពុងតែត្រូវបានគេលើកយកមកអនុលោមយ៉ាង មានកំណើនដើម្បី បង្រ្កាបពាក្យរិះគន់លើរដ្ឋាភិបាល។
កាលពីខែមុន សកម្មជននយោបាយកូរ៉េខាងត្បូងមួយរូបឈ្មោះ ផាក យើងគឿន ត្រូវបានចាប់ខ្លួនពីបទសរសេរសារម្តងទៀតថា “លោក គីម ជុង អ៊ីល អាយុយឺនយូរ” ពីគណនី Twitter របស់មន្រ្តីនៅកូរ៉េខាងជើង។
លោក ផាក បាននិយាយបា្រប់សារព័ត៌មានអន្តរជាតិ Ammnesty ថា គោលបំណងនៃការសរសេរបែបនេះ គ្រាន់តែជាការលេងសើចប៉ុណ្ណោះ ប៉ុន្តែបច្ចប្បន្ននេះលោកអាចប្រឈមមុខនឹងការផ្តន្ទាទោសរយៈពេល ៧ឆ្នាំក្នុងពន្ធនាគារ៕
