ថ្ងៃទី 13-02-2012 ម៉ោង 15:31:00 កាលពីថ្ងៃ ទី១២ ខែកុម្ភៈ ឆ្នាំ២០១២ ប្រធានាធិបតីមីយ៉ាន់ម៉ា លោកថេនសេន បានអំពាវនាវឱ្យបណ្ដាប្រទេសគាំទ្រជម្រុញដល់ការខិតខំស្វែងរក សន្ដិភាពយូរអង្វែងជាមួយកងកម្លាំងប្រដាប់អាវុធប្រឆាំងនឹងរដ្ឋាភិបាលមី យ៉ាន់ម៉ាបច្ចុប្បន្ន ។
នៅក្នុងសារលិខិតនាថ្ងៃសាមគ្គី ប្រជា ជន លោកថេនសេន បានអំពាវនាវឱ្យ ប្រជាពលរដ្ឋទូទាំងប្រទេសទម្លាក់អាវុធ បញ្ចប់សង្គ្រាមកសាងសន្ដិភាពយូរអង្វែង ដើម្បីចូលរួមអភិវឌ្ឍន៍ប្រទេសជាតិ ។
ប្រធានាធិបតីមីយ៉ាន់ម៉ា បានរំលឹកឡើងវិញថា គោលបំណងរបស់លោកគឺផ្ដោតទៅលើការដឹកនាំបានល្អពឹងផ្អែកលើច្បាប់ជា ធំ ។ ពលរដ្ឋមីយ៉ាន់ម៉ា នឹងមានភាពសប្បាយរីករាយពេលដែលមើលឃើញការបោះឆ្នោតប្រកបដោយ លទ្ធិប្រជាធិបតេយ្យ និងការចូលរួមស្មើភាពគ្នាទៅលើកិច្ចការដឹកនាំប្រទេសជាតិ ។
ក្នុងបញ្ហាចូលរួមការងាររបស់រដ្ឋ ក្រុមអ្នកស៊ើបអង្កេតបានកត់សម្គាល់ ឃើញចំណុចដ៏ពិសេសមួយមិនធ្លាប់ កើតមានរយៈពេលជាច្រើនទសវត្ស កន្លងមកគឺសភាមីយ៉ាន់ម៉ាបានពិភាក្សាទៅលើមូលនិធិរបស់ជាតិ ។
ពាក់ព័ន្ធនឹងស្ថានភាពនៃប្រទេសមី យ៉ាន់ម៉ានេះដែរ កាលពីថ្ងៃទី៦ កុម្ភៈ សហរដ្ឋអាមេរិកបានលុបចោលច្បាប់ហាមប្រាមដឹកជញ្ជូនមួយចំនួនដល់មី យ៉ាន់ម៉ា នៅខែមេសាខាងមុខ ក្រោយពេលដែលអាមេរិកមើលឃើញថា ប្រទេសនេះមានការផ្លាស់ប្ដូរឈានទៅរកលទ្ធិប្រជាធិបតេយ្យយ៉ាង ពិតប្រាកដនោះ ។
រដ្ឋមន្ដ្រីការបរទេសអាមេរិក លោកស្រីហ៊ីលឡារី គ្លីនតុន បានចុះហត្ថលេខាលុបចោលការដាក់ទណ្ឌកម្មមួយចំនួនដល់មីយ៉ាន់ម៉ា អនុញ្ញាតឱ្យប្រទេសនេះអាចចូលកៀកប្រព័ន្ធហិរញ្ញវត្ថុអន្ដរជាតិដូច ជា ធនាគារពិភពលោក, ធនាគារអភិវឌ្ឍន៍អាស៊ី, មូលនិធិរូបិយវត្ថុអន្ដរជាតិជាដើម ។
ក្នុងពេលជាមួយគ្នានោះ សហគមន៍ អឺរ៉ុបក៏កំពុងត្រួតពិនិត្យលុបចោលច្បាប់ ហាមប្រាមដឹកជញ្ជូនដល់មីយ៉ាន់ម៉ា ក្នុងខែមេសាផងដែរ ។ លោក ៅនដរិស ភិបោលងស គណៈកម្មាធិការសហគមន៍អឺរ៉ុបទទួលបន្ទុកការអភិវឌ្ឍ នឹងបំពេញទស្សនកិច្ចទៅកាន់មីយ៉ាន់ម៉ា ដោយមានគម្រោងជួបពិភាក្សាជាមួយប្រធានាធិបតីថេនសេន និងប្រធានគណបក្សប្រឆាំងលោកស្រីអ៊ុងសានស៊ូជី ៕
