ថ្ងៃទី 11-02-2012 ម៉ោង 13:23:00 សារព័ត៌មាន Hindustan បានផ្សព្វផ្សាយថា កាលពី១០ កុម្ភៈថា ឥណ្ឌាបាន សាកល្បងកាំជ្រួចមីស៊ីលវាយស្ទាក់ ប្រភេទថ្មីផលិតនៅក្នុងស្រុក ដែលមាន សមត្ថភាពបំផ្លាញគោលដៅខ្ពស់ទទួល បានជោគជ័យ ។
កាំជ្រួចមីស៊ីលវាយស្ទាក់ប្រភេទ AAD បានបាញ់ចេញពីកោះ Wheeler ឆ្នេរសមុទ្រអូឌីហ្សា ភាគខាងកើតប្រទេស ឥណ្ឌាកាលពីព្រឹកថ្ងៃទី១០ កុម្ភៈ ។ សារព័ត៌មានខាងលើបានផ្សព្វផ្សាយ កាំជ្រួច មីស៊ីលនោះបានបំផ្លាញចំគោលដៅដូច ការគ្រោងទុក ។គោលដៅនៃការសាក ល្បងកាំជ្រួចមីស៊ីលប្រភេទថ្មីនោះ គឺ បាញ់ឡើងលើស្ទាក់ទៅលើកាំជ្រួចមីស៊ីល រយៈចម្ងាយខ្លីប្រភេទ Prithvi ដែលបានបាញ់ចេញពីទីលានសាកល្បង Chandi- pur ចម្ងាយពីកោះ Wheeler ប្រមាណ ៧០គីឡូម៉ែត្រ ។
សារព័ត៌មាន Hindustan បានដក ស្រង់សម្ដីប្រធានទីលានសាកល្បងកាំជ្រួចមីស៊ីល លោក S.P.Dash ឱ្យដឹងថា កាំជ្រួចមីស៊ីលវាយស្ទាក់ប្រភេទថ្មីនេះបានទៅចំគោលដៅបំផ្លាញ កាំជ្រួចមីស៊ីលដែលបាញ់ចេញពីកោះ Chandipur ។ គោលដៅនៃការសាកល្បងលើកនេះដើម្បីអភិវឌ្ឍន៍ប្រព័ន្ធការពារកាំជ្រួច មីស៊ីលស្វ័យប្រវត្ដិរបស់ឥណ្ឌា ។ ការសាកល្បងទទួលបានជោគជ័យកន្លងមកថ្មីៗនូវប្រភេទកាំជ្រួច មីស៊ីលវាយស្ទាក់ AAD គឺនៅថ្ងៃទី៦ ខែមីនា ឆ្នាំ២០១១ ហើយការសាកល្បង ទទួលជោគជ័យជាថ្មីនេះ ជាសញ្ញាមួយ ដែលជួយឱ្យឥណ្ឌាអភិវឌ្ឍន៍ប្រភេទកាំជ្រួច មីស៊ីលនេះ ការពារការវាយលុកតាម ដែនអាកាសចូលទៅលើទឹកដីឥណ្ឌា ៕
