ដោយ ៖ សាធី
ថ្ងៃទី 07-02-2012 ម៉ោង 13:54:34 នាវាផ្ទុក យន្ដហោះរបស់កម្លាំងទាហានជើងទឹកអាមេរិក រួមទាំងនាវាចម្បាំងផ្សេងទៀតបានធ្វើសមយុទ្ធនៅតំបន់សមុទ្រភាគ ខាងកើតរដ្ឋហ្លរីដា ជាការត្រៀមលក្ខណៈពេលមានហេតុការណ៍អាក្រក់កើតឡើង ។
តាមប្រភពព័ត៌មានពីមន្ដ្រីយោធា អាមេរិកបានឱ្យដឹងថា នាវាផ្ទុកយន្ដហោះដើរដោយថាមពលបរមាណូប្រភេទ នែតរេផរិសេ ដឹកនាំក្នុងការធ្វើសមយុទ្ធដែលមានឈុតឆាកដូចជាសង្គ្រាមកើតឡើង ជាមួយប្រទេសអ៊ីរ៉ង់។
ការធ្វើសមយុទ្ធបានប្រើប្រាស់ ផែនទីឆ្នេរសមុទ្រភាគខាងកើតរបស់អាមេរិក ពិសេសតំបន់ដែលអាចកើនឡើងនូវការប៉ះទង្គិចគ្នាដោយប្រដាប់អាវុធនោះ ។ នៅក្នុងផែនទីក៏មានឈូងសមុទ្រដែលមានទទឹង៥៤គីឡូម៉ែត្រ ដូចជាឈូងសមុទ្រHormuz តភ្ជាប់នឹងឈូងសមុទ្រអារ៉ាប់ ។
គោលដៅនៃការធ្វើសមយុទ្ធរបស់នាវា ផ្ទុកយន្ដហោះអាមេរិកសំដៅទៅលើប្រទេសដែលសង្ស័យថា គាំទ្រក្រុមភេរវកម្ម ។ ប៉ុន្ដែកម្លាំងទាហានជើងទឹកអាមេរិកបានប្រកាសថា ការធ្វើសមយុទ្ធនោះមិនជាប់ពាក់ព័ន្ធដល់ភាពតានតឹងកាន់តែខ្លាំង ឡើងជាមួយអ៊ីរ៉ង់នោះឡើយ ។
នៅក្នុងព្រឹត្ដិការណ៍មួយផ្សេង ទៀត ប្រធានាធិបតីអាមេរិក លោកបារ៉ាក់ អូបាម៉ា កាលពីថ្ងៃទី៦ កុម្ភៈ បានចេញបញ្ជាឱ្យដាក់ទណ្ឌកម្មតានតឹងថែមទៀតដល់រដ្ឋាភិបាល និងធនាគារជាតិរបស់អ៊ីរ៉ង់ ។
នៅក្នុងសេចក្ដីប្រកាសមួយ ប្រធានាធិបតីអាមេរិកបានបញ្ជាក់ថា ការរឹតបណ្ដឹងនោះដើម្បីទប់ស្កាត់ការលាងប្រាក់របស់អ៊ីរ៉ង់ និងហេតុការណ៍អាក្រក់កើតឡើងដល់ប្រព័ន្ធហិរញ្ញវត្ថុអន្ដរជាតិ ៕
