ដោយ ៖ សាធី
ថ្ងៃទី 08-02-2012 ម៉ោង 17:34:23 សារព័ត៌មាន Ria Novosti របស់រុស្ស៊ីបានផ្សព្វផ្សាយកាលពីថ្ងៃទី៧ កុម្ភៈ ២០១២ ថា ក្រុមសន្ដិសុខរុស្ស៊ី FSB បានឃាត់ខ្លួនចារបុរស១៩៩នាក់ដែលធ្វើការឱ្យបរទេស ។
ព័ត៌មានខាងលើត្រូវបាន ប្រធានាធិបតីរុស្ស៊ីប្រកាសកាលពីថ្ងៃទី៧ កុម្ភៈ ហើយក្នុងចំណោមចារបុរសទាំង១៩៩នាក់ នោះមានចារបុរស១៥៨នាក់ និង៤១នាក់ទៀតជាអ្នកយកការណ៍របស់អង្គការមកពីបរទេស ។
ចំណែកសារព័ត៌មាន ីTAR-TASS បានផ្សព្វផ្សាយថា ក្នុងចំណោមចារបុរស១៥៨នាក់ធ្វើការឱ្យបរទេសមាន២៦នាក់ជាជនជាតិរុ ស្ស៊ី ។
លោកម៉េតវឺឌីវ បានប្រកាសទៀតថា ក្នុងឆ្នាំ២០១១ រុស្ស៊ីបានរារាំងប្រកបដោយជោគជ័យនូវការប៉ុនប៉ងវាយប្រហារភេរវកម្ម ដែលបានរៀបគម្រោងទុកមុន និង៩៤ករណីទៀតជាប់ពាក់ព័ន្ធភេរវកម្ម ។
កាលពីខែតុលា ២០១១ ក្រុម FSB ក៏បានប្រកាសដោយបើកចំហថា ចាប់បានចារបុរសចិនមួយរូបដែលមានឈ្មោះ Tung Shen-Yun ។ ដោយអះអាងថា ជាអ្នកបកប្រែ លោក ទុនង Shen-Yun បានព្យាយាមប្រមូលឯកសារសម្ងាត់របស់រុស្ស៊ីស្ដីពីប្រព័ន្ធកាំជ្រួច មីស៊ីលការពារ S-300 ។ សកម្មភាពរបស់លោក Tung Shen-Yun ត្រូវបែកធ្លាយដោយសារផ្ដល់សំណូកដល់មន្ដ្រីទទួលខុសត្រូវរបស់រុស្ស៊ី ។
ក្រុម FSB ធ្លាប់បានចោទប្រកាន់អាមេរិក អង់គ្លេស និងប្រទេសសម្ព័ន្ធអារ៉ាប់មួយចំនួនទៀតដែលប្រើប្រាស់ អង្គការក្រៅរដ្ឋាភិបាលដើម្បីបម្រើសកម្មភាពចារបុរសប្រឆាំងនឹងរុស្ស៊ី ។ អាមេរិកក៏បានចំណាយប្រាក់រាប់រយលានដុល្លារក្នុងនាមកម្មវិធី អប់រំ និងមនុស្សធម៌ ដើម្បីបញ្ជូនចារបុរសចូលទៅកាន់ប្រទេសរុស្ស៊ី ៕
