ឧបទ្ទវហេតុនេះបានកើតឡើងនៅល្ងាចថ្ងៃសៅរ៍ នៅពេលរថភ្លើងមួយធ្វើដំណើរឆ្ពោះទៅជើងពីក្រុងប្រស៊្សីមីស(Prezemyst) ទៅកាន់ក្រុងវ៉ារ៍ សារ៍(Warsaw) បុកគ្នាជាមួយរថភ្លើងឆ្ពោះក្រុងវ៉ារ៍សារ៍ ទៅក្រាកូវ(Krackow) ។
មន្ត្រី ជាន់ខ្ពស់នៃក្រុមហ៊ុនអយស្ម័យយានបានឲ្យដឹងថា រថភ្លើងទាំង២ផ្ទុកអ្នកដំណើរប្រមាណ៣៥០នាក់ ដែលរថភ្លើងក្រុងក្រាកូវ៍បើកខុសគន្លង បានបុកទល់មុខគ្នាពេញទំហឹង ដោយទូររថភ្លើងចំនួន៣ ត្រូវបំផ្លាញខ្ទេចខ្ទី ។
លោក នាយករដ្ឋមន្រ្តីប៉ូឡូញដូណាល់ ថាសក៏(Donald Tusk) បានហៅឧបទ្ទវហេតុនេះថា ជាមហន្តរាយរថភ្លើងគួរឲ្យខ្លោចផ្សាជាទីបំផុត របស់ប្រទេសប៉ូឡូញ រយៈពេលច្រើនឆ្នាំមកនេះ ។លោកបានទៅដល់កន្លែងកើតហេតុនាព្រឹកថ្ងៃអាទិត្យ រួមជាមួយរដ្ឋមន្ត្រីចំនួន៣នាក់ផ្សេងទៀត ។
ឧត្ធម្ភាគចក្រជួយសង្គ្រោះ បានដឹកអ្នករបួសទៅកាន់មន្ទីរពេទ្យ ដើម្បីសង្គ្រោះបន្ទាន់ ៕
