មេដឹកនាំពិភពលោកជាច្រើរូប បានស្នើសុំឲ្យមានការរៀបចំកិច្ចសហប្រតិបត្តិការយ៉ា ងជិតស្និទ្ទិដើម្បីដោះស្រាយបញ្ហាគំរាមកំហែងនូវអំ ពើភេរវកម្មលើសន្តិសុខអាវុធនុយក្លេអ៊ែរក្នុ ងកិច្ចប្រជុំកំពូលមួយនៅទីក្រុងសេអ៊ូល។
ប្រធានា ធិបតី កូរ៉េខាងត្បូង លោក លី ម្យ៉ុង បាក់ បានថ្លែងថា អំពើភេរវកម្មលើអាវុធនុយក្លេអ៊ែរនៅតែជាការគំរាមកំហែងមួយដ៏ធ្ងន់ធ្ងរ ខណៈដែលប្រធានាធិបតីសហរដ្ឋអាមេរិកលោក បារ៉ាក់ អូបាម៉ា បានថ្លែងតបវិញថា ស្ថានការនេះជាគន្លឹះដ៏សំខាន់មួយ។
កិច្ចប្រជុំនេះបានរៀបចំឡើងដោយសារតែ ប្រទេសកូរ៉េខាងជើង គ្រោងនឹង បង្ហោះកាំជ្រួចមីស៊ីល នៅពាក់កណ្តាលខែមេសា ខាងមុខនេះ។
ប្រទេសកូរ៉េខាងជើងបាននិយាយថា កាំជ្រួចមីស៊ីលនេះនឹងយោងផ្កាយរណបមួយនៅពេលដែលវា ហោះឡើងលើផ្ទៃអាកាសក្នុងខែមេសានេះ ហើយសហរដ្ឋអាមេរិកបាននិយាយវិញថា ប្រតិបត្តិការបង្កើតកាំជ្រួចមីស៊ីលទាំងឡាយ នឹងញាំញីដល់ដំណោះស្រាយរបស់សហរដ្ឋអាមេរិក និង ការសាកល្បងបង្ហោះគ្រាប់មីស៊ីលផងដែរ។
ផែនការកម្មវិធីអាវុ ធនុយក្លេអ៊ែររបស់ប្រទេសអ៊ីរ៉ង់ ក៏ផ្តោតសំខាន់ទៅលើកិច្ចជំនួបកំពូលមួយនេះផងដែរ ដោយលោក អូបាម៉ា ទទូចសុំជួបពិភាក្សាជាមួយមេដឹកនាំប្រទេសរុស្ស៊ី និងចិនលើបញ្ហាបង្ហោះកាំជ្រួចមីស៊ីលនេះ ដើម្បីឆ្ពោះទៅរកដំណោះស្រាយ។
នៅក្នុងកិច្ចប្រជុំ មេដឹកនាំពិភពលោកទាំងអស់បានពិភាក្សាលើវិធានការណ៍ ទប់ទល់នឹងការគំរាមកំហែងលើអំពើភេរវកម្មរបស់អាវុធ នុយក្លេអ៊ែរ រួមទាំងសហការគ្នាដើម្បីការពារអាវុធ ឬសម្ភារៈនុយក្លេអ៊ែរ និង ការពារមិនឲ្យមានការជួញដូរខុសច្បាប់ផងដែរ។
ផ្ទុយទៅវិញទីក្រុងព្យុងយ៉ាងបាននិយាយថា មេដឹកនាំរបស់ខ្លួន មានគោបំណងបង្ហោះកាំជ្រួចមីស៊ីលដើម្បីអបអរសាទរគម្រ ប់ខួបអនុស្សាវរីយ៍លើកទី១០០ ក្នុងថ្ងៃខួបកំណើតរបស់អតីតមេដឹកនាំកំពូល គីម អ៊ីល ស៊ុង។
អ្នកនាំ ពាក្យមួយរូបពីក្រសួងការបរទេសកូរ៉េខាងជើង បាននិយាយក្នុងរបាយការណ៍ថា ប្រទេសរបស់ខ្លួននឹងមិនបោះបង់ចោលឱកាសបង្កើតកាំ ជ្រួចបង្ហោះផ្កាយរណប ដើម្បីគោលបំណងសន្តិភាពនោះទេ ព្រោះថា ផែនការមួយនេះមានផលប្រយោជន៍ក្នុងការសិក្សាលើការ ព្យាករណ៍ពីអាកាសធាតុដែលចាំបាច់ សម្រាប់វិស័យកសិកម្ម និងវិស័យសេដ្ឋកិច្ចផ្សេងៗទៀត។
គួរបញ្ជាក់ថា ប្រទេសកូរ៉េខាងជើងគ្រោងនឹងបង្ហោះកាំជ្រួចមីស៊ីលនៅច ន្លោះថ្ងៃទី១២ ដល់ ១៦ មេសាខាងមុខនេះ៕
