ដោយ ៖ ភារៈ
ថ្ងៃទី 07-03-2012 ម៉ោង 15:55:25 នៅក្នុង រដូវវិសមកាលម្ដងៗ តារាខ្សែ ប្រយុទ្ធជនជាតិអាហ្សង់ទីន លីអូ ម៉េសស៊ី និងនិស្សិត អែនតូ ណែលឡា រ៉ូឃ្យូសូ មានភាពជឿជាក់បង្ហាញរូបរាងកាយដ៏ ស្រស់ស្អាតរបស់ខ្លួនជាមួយនឹងឈុត ប៊ីគិនី ។
កីឡាករ ម៉េសស៊ី និងនាងអែនតូ ណែលឡា ស្គាល់គ្នាតាំងពីកុមារមកម្ល៉េះ គឺចាប់តាំងពីអាយុ៥ឆ្នាំ ហើយអ្នកទាំង២ បានធំធាត់ឡើងនៅស្រុកជាមួយគ្នា គឺ ស្រុករ៉ូសារីអូ ។ នាង អែនតូ ណែលឡា ជាមិត្ដភក្ដិដ៏ជិតស្និទ្ធរបស់ប្អូនជីដូនមួយ កីឡាករ ម៉េសស៊ី ផងដែរ ។ ប៉ុន្ដែរហូត ដល់បុណ្យគ្រិស្មាស់ឆ្នាំ២០០៨ ទើបអ្នក ទាំងពីរចាប់អារម្មណ៍នឹងគ្នា ក៏ចាប់ផ្ដើម មានទំនាក់ទំនងស្នេហាតែម្ដង ។
ជាស្ដ្រីដែលគ្មាននរណាម្នាក់ ស្គាល់ ប៉ុន្ដែនាង អែនតូ ណែលឡា ប្រែក្លាយជា ល្បីល្បាញដោយសារតែនាងស្ថិតក្នុងក្រុម ស្រីស្នេហ៍កីឡាករលំដាប់ពិភពលោក។ នាង អែនតូ ណែលឡា បានមកកាន់ អេស្បាញជាមួយប្រុសស្នេហ៍ ម៉េសស៊ី ដោយនាងមកបន្ដការសិក្សានៅប្រទេស អេស្បាញផងដែរ ។
ទោះបីនាង អែនតូ ណែលឡា មិន មែនជាតារាបង្ហាញម៉ូដដូចមិត្ដស្រីកីឡា ករដទៃទៀត ប៉ុន្ដែនាងមានរូបរាងកាយ ដ៏ស្រស់ស្អាត សិចស៊ីមិនចាញ់តារា បង្ហាញម៉ូដផ្សេងទៀតឡើយ ពិសេសទៀត នោះនាងមានភាពស្និទ្ធស្នាលជាមួយមិត្ដ ភក្ដិផ្សេងៗទៀត ។
រយៈពេល៣ឆ្នាំ ដែលអ្នកទាំង២បាន ស្រឡាញ់គ្នា ក៏មានពាក្យចចាមអារ៉ាម ជាច្រើនជុំវិញរឿងរ៉ាវស្នេហាប្រេះឆា ប៉ុន្ដែអ្នកទាំង២បានរក្សាភាពអត់ធ្មត់ ស្ងៀមស្ងាត់ដើម្បីលុបបំបាត់ភាពមន្ទិលសង្ស័យទាំងនោះ ៕
