ព័ត៌មានអន្តរជាតិ: អ្នកបើកបរតាក់ស៊ីប្រគល់មាស ៨,២ គីឡូក្រាមឲ្យម្ចាស់វិញ

អ្នកបើកបរតាក់ស៊ីម្នាក់នៅប្រទេសថៃ ឈ្មោះ Saksri អាយុ ៥៦ឆ្នាំ បាននាំយកកាតាបដែលមានមាសទម្ងន់ ៨,២ គីឡូក្រាម (ប្រហែល ១៣ លានបាត) ប្រគល់ឲ្យភ្ញៀវដែលភ្លេចក្នុងរយន្តរបស់ខ្លួន។

អ្នកបើបរតាក់ស៊ី (ស្តាំ) ត្រូវបានលោក Akekarat កាដូខ្សែក នៅថ្ងៃទី១៦ មីនា

អ្នកបើកបរតាក់ស៊ី Kaseekaew បានប្រាប់ប៉ូលីសថា លោកមានការខ្វាយខ្វល់យ៉ាងខ្លាំង គ្រាដែលឃើញកាតាបមួយ ដាក់គ្រឿងអលង្កា ១០ ប្រអប់ ដែលជារបស់ភ្ញៀវម្នាក់ នៅបាងកក ភ្លេច កាលពីល្ងាចថ្ងៃទី១៤ មីនា។

បន្ទាប់មក លោកក៏បានពឹងមិត្តភ័ក្តិសួរនៅស្ថានីយ៍វិទ្យុ FM91 របស់ប៉ូលីស ដើម្បីជូនព័ត៌មានអំពីរឿងហេតុ និងជួយរកម្ចាស់ដើម។

នៅថ្ងៃទី១៥ មីនា អ្នកជិតដិតម្នាក់របស់អ្នកបើកបរតាក់ស៊ី Saksri បានឲ្យដឹងថា បានដឹងព័ត៌មានទាក់ទងដល់ម្ចាស់មាសនេះ តាមទូរទស្សន៍។

លោក Akekarat ដែលជាអាជីវករមាស បានកាដូឲ្យលោក Saksri នូវខ្សែកមាស ២ខ្សែ និងលុយ ៥០០.០០០ បាត។

លោក Akekarat អាយុ ៦០ឆ្នាំ បានប្រាប់ថា លោកបានរាយការណ៍ឲ្យប៉ូលីសថា បានភ្លេចកាតាបដាក់មាសទម្ងន់ ៨,២ គីឡូក្រាម លើតាក់ស៊ីមួយ តែមិនបានចាំលេខ៕