ព័ត៌មានអន្តរជាតិ: រូបភាពបង្ហាញពីការត្រៀមបាញ់កាំជ្រួចបង្ហោះផ្កាយរណប?

ករណីបាញ់បង្ហោះដែលពោរពេញដោយជម្លោះ ត្រូវបានផ្កាយរណបផ្តិតយករូបភាពនៅនឹងកន្លែង ស្ថិតក្នុងប្រទេសកូរ៉េខាងជើង។

រូបភាពផ្កាយរណបថតទីលានបាញ់បង្ហោះនៅ Tongchang-ni ថ្ងៃទី២០ មីនា ២០១២

រូបភាពនេះ ត្រូវបានក្រុមហ៊ុន Digital Globe ថតយកបាននៅថ្ងៃទី២៨ មីនា បានបង្ហាញឲ្យឃើញរថយន្តដឹកជញ្ជូន បង្ហាញវត្តមាននៅទីលានបង្ហោះ Tongchang-ni ស្រុក Cholsan ខេត្ត Phyongan ខាងជើង នាភាគពាយ័ព្យកូរ៉េខាងជើង។ នៅកៀកទម្រសំរាប់បាញ់ មានម៉ាស៊ីនស្ទួច ១គ្រឿង សំរាប់ស្ទួចកាំជ្រួច ១ថ្នាក់ មកតម្រៀប។

ដល់ថ្ងៃទី២៨ មីនា មានសកម្មភាពច្បាស់លាស់នៅទីលានបង្ហោះ

ក្នុងពេលដែល កាសែតកូរ៉េខាងត្បូងចុះផ្សាយថា ថ្នាក់ដំបូងនៃកាំជ្រួច ឬ ហៅថា រ៉ូកែតរុញ បានបញ្ជូនដល់ទម្របង្ហោះ ប៉ុន្តែអ្នកវិភាគជាន់ខ្ពស់ Joseph Bermudez ចំណុះ Digital Globe ឲ្យដឹងថា សកម្មភាពនោះ ពុំទាន់មើលឃើញក្នុងរូបភាពថតថ្ងៃទី២៨ មីនា។

វត្តមាននៃរថយន្តដឹកជញ្ជូន...

លោក Bermudez ពោលថាៈ រូបភាពនេះបញ្ជាក់ពីកំណើននៃសកម្មភាពនៅក្នុងមូលដ្ឋាន ហើយពិសេស គឺសកម្មភាពនៅទម្របាញ់។ សកម្មភាពនេះ ហាក់ដូចជាសមស្របជាមួយការត្រៀមបំរុងសំរាប់បាញ់បង្ហោះផ្កាយរណប។

រ៉ូកែត រុញ នឹងត្រូវបានដាក់លើដំបូលនៃទម្រចល័ត ប៉ុន្តែសកម្មភាពនេះ ពុំទាន់កើតឡើង ពេលដែល Digital Globe ថតទេ។ មានភ័ស្តុតាងអំពីស្នាមវត្ថុធាតុរាវខ្ចាយក្បែររថយន្តដែលចតលើទីលានទម្រ។ ឧបករណ៍គាំទ្របន្ថែម អាចសម្លឹងឃើញនៅជិតទម្របាញ់បង្ហោះចល័ត។

នេះជាចណុចស្នូលនៃទម្របាញ់

លោក Bermudez ឲ្យដឹងថាៈ កូរ៉េខាងជើង កំពុងតម្លើងកាំជ្រួចរយៈចម្ងាយឆ្ងាយក្នុងមូលដ្ឋានតម្លើងមួយ ស្ថិតនៅមិនឆ្ងាយប៉ុន្មានពីទីលានបាញ់បង្ហោះ ហើវានឹងត្រូវបានដឹកជញ្ជូនដោយរថយន្ត ពិសេសមកកាន់ទម្របាញ់ រួចត្រូវបានស្ទួចឡើង នឹងតម្រៀបទៅទម្រកណ្តាល។

ថ្នាក់ទី១ របស់កាំជ្រួចរុញត្រូវបានព្យាករណ៍ថា នឹងធ្លាក់នៅតំបន់សមុទ្រអន្តរជាតិ ចន្លោះប្រទេសចិន និងកូរ៉េខាងត្បូង ហើយថ្នាក់ទី២ នឹងធ្លាក់នៅជិតហ្វីលីពីន

អគារដែលសម្លឹងឃើញនៅខាងស្តាំ ទម្របាញ់បង្ហោះក្នុងរូបភាពផ្កាយរណប គឺជាតំបន់ផ្ទុកប្រេងឥន្ធនៈ និងសារធាតុអុកស៊ីដកម្ម។

តាមផែនការ កូរ៉េខាងជើង នឹងបង្ហោះផ្កាយរណបពីចន្លោះថ្ងៃទី១២ មេសា ដល់ ១៦ មេសា ដើម្បីរំលឹកខួបលើកទី១០០ ថ្ងៃកំណើតរបស់មេដឹកនាំ គឹម អឺស៊ុង។