ប្រភពពី CNN កាលពីម្សិល​មិញ​នេះ (៣០ មីនា) ប្រព័ន្ធ​រ៉ាដា Sea-Based X-Band (SBX) ដែល​ដាក់​លើ​​ស្ថាន​នីយ៍​​បណ្តែត​​មួយ ដែល​មាន​សមត្ថភាព​​ស្វែង​រក និង​​​តាម​ដាន​​គោល​​ដៅ​​របស់​យោធា​​អាមេរិក ត្រូវ​​បាន​បញ្ជូន​​ទៅ​កាន់​​មហាសមុទ្រប៉ាស៊ីហ្វិក​ហើយ។ ក្រៅ​ពីនោះ​ ប្រព័ន្ធនេះ នៅអាច​ទាក់ទង​ជាមួយ​បណ្តា​កាំជ្រួច​វាយស្កាត់​​របស់អាមេរិក នៅស្ថានីយ៍កាំភ្លើងធំ Greely រដ្ឋ Alaska និងមូលដ្ឋាន​យោធាអាកាស Vandenberg, California ដែលអាចបាញ់​ទម្លាក់​កាំជ្រួចផងដែរ។
ប៉ុន្តែកងទ័ពអាមេរិក​មិនប្រកាស​ជាផ្លូវការ​ថា រ៉ាដានេះ ត្រូវ​បានដាក់ពង្រាយ​ ដើម្បី​ទប់ទល់នឹងការបាញ់​កាំជ្រួច​របស់កូរ៉េខាងជើង​ទេ ​ដោយគ្រាន់​តែប្រាប់​ថា វាជាវិធានការ​បង្ការ​ប៉ុណ្ណោះ។

គួរកត់សម្គាល់​ថា ស្ថានីយ៍ SBX-1 អាធ្វើការ​តាមដាន​ពីចម្ងាយ​រាប់រយ​គីឡូម៉ែត្រ​ ដោយពុំ​ចាំបាច់​នៅកៀក​កូរ៉េខាងជើងទេ៕