ព័ត៌មានអន្តរជាតិ: កាំជ្រួចកូរ៉េខាងជើងបានតម្លើងលើទម្របាញ់

ប្រភពពី AFP និងស៊ីនហួរ បានដកស្រង់សម្តីរបស់អ្នកកាសែតបរទេសដែលមានវត្តមាន នៅមជ្ឈមណ្ឌលអវកាស Tongchang-ri របស់កូរ៉េខាងជើងឲ្យដឹងថា នៅថ្ងៃទី៨ មេសា កាំជ្រួចរយៈចម្ងាយឆ្ងាយរបស់សាធារណៈរដ្ឋប្រជាធិបតេយ្យប្រ ជាមេនិតុកូរ៉េ ដែលតាមគំរោង នឹងសំរាប់បាញ់បង្ហោះផ្កាយរណបនៅលើតារាវិថី ក្នុងរង្វង់ពីថ្ងៃទី ១២ ដល់ ១៤ មេសា ត្រូវបានគេតម្លើងលើទម្របាញ់។

កាំជ្រួចកូរ៉េខាងជើង ត្រូវបានតម្លើងលើទម្រ

មុននេះ រដ្ឋាភិបាលកូរ៉េខាងត្បូងបញ្ជាក់ថា ថ្នាក់ដំបូងនៃកាំជ្រួចរុញបាន ៣ថ្នាក់នេះ ត្រូវបានតម្លើងកាលពីថ្ងៃទី៦ មេសា មកម្លេះ។

កូរ៉េខាងជើង នឹងបញ្ជូន ២ថ្នាក់ទៀត នៃកាំជ្រួចនេះ ចេញពីឃ្លាំង ហើយរៀបតម្លើងវាទៅលើទម្របាញ់ ដែលមានកម្ពស់ ៥០ ម៉ែត្រ ក្នុងរង្វង់ ២ថ្ងៃទៀត។ ព័ត៌មានឲ្យដឹងថា កាំជ្រួចនេះ នឹងត្រូវបានតម្លើងតាមទទឹងលើទម្រសំរាប់បាញ់បង្ហោះ៕