នៅថ្ងៃទី៩ មេសា នេះ ទាំងអ៊ីរ៉ង់ និង EU បានបញ្ជាក់​​ពី​កិច្ច​​ចរ​ចារ​​នុយ​ក្លេ​អ៊ែរ​ រវាង​​ប្រ​ទេស​​អ៊ីរ៉ង់ និង​ក្រុម​ P5+1 (សមា​ជិក​អចិន្ត្រៃយ៍​​ក្រុម​ប្រឹក្សា​​សន្តិ​សុខ​ UN+ អាល្លឺ​ម៉ង់​) ដែល​ប្រ​ព្រឹត្ត​ទៅ​​នៅ​រដ្ឋ​ធានី Fstanbul ប្រ​ទេស​ទួគី ថ្ងៃទី​១៤ មេសា។ លទ្ធ​ផល​​ដែល​អាច​ទទួល​បាន​​តាម​​សញ្ញា​​យោគ​យល់ខ្លះៗ នៃកម្មវិធី​នុយក្លេអ៊ែរនេះ គឺ​អ៊ីរ៉ង់​សន្យាឈានទៅបញ្ចប់​កម្មវិធី​ចម្រាញ់អ៊ុយរ៉ាញូម កំរិត ២០% បន្ទាប់ពី​ទទួលបាន​ចំនួន​គ្រប់គ្រាន់​ សំរាប់​ការសិក្សា​នុយក្លេអ៊ែរមួយ។ ប៉ុន្តែក្រុងតេអេរ៉ង់ មិនយល់ព្រមបញ្ជូន​វត្ថុធាតុដើម​នុយក្លេអ៊ែរ ទៅ​ប្រទេសក្រៅ ក៏ដូច​ជាចម្រាញ់​ក្នុងកំរិត​ទាប​ សំរាប់​រោងចក្រអគ្គិសនី​នុយក្លេអ៊ែរ។ បើតាម​ Washington Post កាលពីចុង​សប្តាហ៍​ ឲ្យដឹងថា អាមេរិក​ អាចយល់​ព្រមឲ្យ​អ៊ីរ៉ង់​អភិវឌ្ឍនុយក្លេអ៊ែរស៊ីវិល ប្រសិនបើ​ប្រទេសនេះ បញ្ជាក់​ពិតប្រាកដ​ថា ពួកគេ​ពុំ​រត់តាមកម្មវិធី​ផលិត​អាវុធ​នុយក្លេអ៊ែរនោះ។

នៅថ្ងៃទី៩ មេសា នេះដែរ យោធាជើងទឹក​អាមេរិក ប្រកាសថា បានចាត់ទុក​ឲ្យនាវា​ផ្ទុកយន្តហោះ USS Enterprise ទៅកាន់​តំបន់ឈូង​សមុទ្រ​ពែក្ស ដើម្បី​រួមប្រតិបត្តិការ​ជាមួយ​នាវា​ផ្ទុកយន្តហោះ​ USS Abraham lincoln ។ តាម AP នាវាចម្បាំង​ទាំង ២គ្រឿង នេះ នឹងជំនួយ​យោធាអាមេរិក​ នៅអាហ្វហ្គានីស្ថាន​ ដើម្បី​ប្រឆាំង​ចោរប្លន់សមុទ្រ​ នឹងល្បាត​ផ្លូវ​នាវាចរណ៍ដ៏សំខាន់​ ក្នុង​តំបន់​ដែលអ៊ីរ៉ង់ ធ្លាប់បានគំរាម​បិទច្រកនោះ៕