- Monday, 07 May 2012 03:09
រដ្ឋាភិបាលថៃ បានអំពាវនាវឲ្យពលរដ្ឋខ្លួន ជៀសចេញឆ្ងាយពីព្រំដែនជាមួយភូមា ព្រោះថា អាចត្រូវក្រុមប្រដាប់អាវុធមួយ នៅប្រទេសជិតខាងវាយលុក ។ កងកម្លាំងផ្តាច់ខ្លួន “កងទ័ពពុទ្ធសាសនា Kanren ប្រជាធិបតេយ្យ” DKBA កាលពីដើមខែនេះ ប្រកាសនឹងត្រួតត្រាតំបន់ព្រំដែនប្រទេសទាំងពីរ នេះ និងរារាំងទំនាក់ទំនងជំនួញឆ្លងដែន ។
DKBA និយាយថា ទង្វើរនោះ គឺសំដៅសងសឹកនឹងការដែលរដ្ឋាភិបាលថៃ ដាក់បញ្ចូលមេក្លោងជាន់ខ្ពស់ឈ្មោះ Saw Lah Pwe របស់ខ្លួន ចូលក្នុងបញ្ជីឧក្រិដ្ឋជនគ្រឿងញៀន ២៥ នាក់ ដែលត្រូវតាមចាប់ខ្លួន ។ ក្រុងបាងកក ក៏បានសន្យាផ្តល់រង្វាន់ ១២ លានបាត ដល់អ្នកដែលផ្តល់ព័ត៌មានអំពីវត្តមានរបស់ជនដែលមាន ឈ្មោះក្នុងបញ្ជីនេះ ។ មកទល់បច្ចុប្បន្ន DKBA មិនទាន់រកឃើញមានសក្មភាពអ្វីទេ រីឯរដ្ឋាភិបាលភូមា បានដាក់ពង្រាយពលទាហាន ទៅកៀកព្រដែន ដើម្បីធានាសុវត្តិភាព ៕
