ដោយ ៖ ម៉ែវ សាធី ថ្ងៃទី 19 ឧសភា 2012ម៉ោង 14:04:44
រដ្ឋមន្ដ្រី ក្រសួងការពារជាតិអាមេរិក លោក ឡេអន ប៉ាណេតា កាលពីថ្ងៃទី១៨ ខែឧសភាបានបញ្ជាក់ថា អាមេរិកនឹង ចំណាយប្រាក់៧០លានដុល្លារដល់អ៊ីស្រា អែលសម្រាប់បំពាក់ប្រព័ន្ធកាំជ្រួចមីស៊ីល ការពារ Iron Dome ។ក្រោយជំនួបពិភាក្សាថ្នាក់ រដ្ឋមន្ដ្រី ការពារជាតិរវាងអាមេរិកនឹងអ៊ីស្រាអែល លោក ឡេអន ប៉ាណេតា និងប្រធានា ធិបតីអាមេរិក បារ៉ាក់ អូបាម៉ា បានគាំទ្រ កម្មវិធីបំពាក់កម្មវិធីកាំជ្រួចមីស៊ីលការ ពារ Iron Dome របស់អ៊ីស្រាអែល ។
លោក ឡេអន ប៉ាណេតា បញ្ជាក់ទៀត ថា ពឹងផ្អែកលើតម្រូវការរបស់អ៊ីស្រាអែល អាមេរិកនឹងចំណាយប្រាក់៧០លានដុល្លារ ទៅឱ្យអ៊ីស្រាអែលនៅថ្ងៃនេះ ។ សកម្ម ភាពខាងលើរបស់អាមេរិកបានបង្ហាញ យ៉ាងច្បាស់ពីសារសំខាន់នៅក្នុងទំនាក់ ទំនងរវាងអាមេរិកនឹងអ៊ីស្រាអែល ក៏ដូច ជាកិច្ចសហប្រតិបត្ដិការសន្ដិសុខ ។
ប៉ុន្ដែលោក ឡេអន ប៉ាណេតា មិន បង្ហើបឱ្យដឹងពីព័ត៌មានជុំវិញ*គម្រោង វាយប្រហារប្រទេសអ៊ីរ៉ង់ទេ ប្រសិនបើ កិច្ចពិភាក្សាស្ដីអំពីបរមាណូរវាងអ៊ីរ៉ង់នឹង ក្រុមប្រទេស៥បូក១នៅទីក្រុងបាដាដ ប្រទេសអ៊ីរ៉ាក់នាថ្ងៃទី២៣ខែឧសភា បរាជ័យនោះ ។
អ៊ីស្រាអែលជាប្រទេសដែលអាមេ រិក ផ្ដល់ជំនួយច្រើនជាងគេបំផុត ។ កាលពី ឆ្នាំ២០១១ រដ្ឋាភិបាលអាមេរិកបានផ្ដល់ ជំនួយដល់អ៊ីស្រាអែលរហូតដល់២០៥ លានដុល្លារសម្រាប់ទិញប្រព័ន្ធកាំជ្រួច មីស៊ីលការពារ Iron Dome ។ តាមមូល និធិថ្មីរបស់អាមេរិក រដ្ឋាភិបាល អូបាម៉ា គ្រោងផ្ដល់ជំនួយយោធាដល់អ៊ីស្រាអែល គិតជាទឹកប្រាក់ប្រមាណ៣,១លានដុល្លារ។ ប្រព័ន្ធកាំជ្រួចមីស៊ីលការពារIron Dome ផលិតដោយក្រុមហ៊ុនរបស់ក្រសួងការ ពារជាតិអ៊ីស្រាអែល Raphael ក្នុងគោល ដៅវាយស្ទាក់កាំជ្រួចមីស៊ីលឆ្លងទ្វីបដែល បើកការវាយប្រហារមកលើទឹកដីអ៊ីស្រា អែល ។ ប្រព័ន្ធកាំជ្រួចមីស៊ីលទាំងនោះ*មានតម្លៃប្រមាណ៥០លានដុល្លារ ៕
