ដោយ ៖ ម៉ែវ សាធី ថ្ងៃទី 18 ឧសភា 2012ម៉ោង 15:19:02
មន្ដ្រីរដ្ឋាភិបាលប្រេ ស៊ីលបានប្រកាស ឱ្យដឹងថា យ៉ាងហោចណាស់ក៏មាន៧៧ ពាន់គ្រួសាររងផលប៉ះពាល់ដោយគ្រោះ ទឹកជំនន់នៅរដ្ឋ Amazonas ភាគខាងជើង នៃប្រទេសនេះ ដោយសារភ្លៀងធ្លាក់ខ្លាំង បង្កជាទឹកជំនន់ប៉ុន្មានថ្ងៃកន្លងមក ។មកទល់ពេលនេះមានស្រុកចំនួន៥២ ក្នុងចំណោម៦២ស្រុកនៃរដ្ឋស្ថិតក្នុង ដំណាក់កាលប្រកាសអាសន្ន ក្នុងនោះ មានស្រុកចំនួន៣បានលិចលង់ទាំងស្រុង ។ ភ្លៀងធ្លាក់ខ្លាំងធ្វើឱ្យទឹកនៅដងទន្លេ Negro ជាដៃទន្លេ Amazon ដោយហូរកាត់ទីក្រុង Manaus កើនឡើងខ្ពស់ខុសពីធម្មតារហូត ដល់៦ម៉ែត្រ គឺជាកម្រិតខ្ពស់ជាងគេបំផុតមិនធ្លាប់មានក្នុងរយៈពេល១០០ឆ្នាំក ន្លមក ។
តាមការព្យាករណ៍ស្ថានភាពនឹង កាន់តែអាក្រក់ទៅដោយសារភ្លៀងនៅតែបន្ដ ធ្លាក់ខ្លាំង ហើយកម្រិតទឹកជំនន់នៅតែបន្ដកើនឡើងខ្ពស់ថែមទៀត ។
ក្នុងពេល ជាមួយគ្នានោះ តំបន់ភាគខាងជើងប្រទេសប្រេស៊ីលរងគ្រោះរាំងស្ងួត យ៉ាងធ្ងន់ធ្ងរបំផុតមិនធ្លាប់មានរយៈពេលកន្លះសតវត្សរ៍កន្លងមក ប៉ះពាល់ដល់ជីវភាព រស់នៅរបស់ពលរដ្ឋជាង១.១០០ស្រុក ៕
