ដោយ ៖ ម៉ែវ សាធី ថ្ងៃទី 19 ឧសភា 2012ម៉ោង 14:20:06
កាលពីថ្ងៃទី១៨ខែឧសភា ឃ្លាំងអាវុធ មួយរបស់រុស្ស៊ីបានផ្ទុះឆាបឆេះយ៉ាងខ្លាំង បណ្ដាលឱ្យមនុស្ស២នាក់រងរបួសនិងជាង ២.០០០នាក់ទៀតត្រូវភៀសខ្លួន ។ នេះជា ហេតុការណ៍ផ្ទុះឃ្លាំងគ្រាប់ជាលើកទី២ ហើយក្នុងប្រទេសរុស្ស៊ី ។ក្រសួងគ្រប់គ្រងគ្រោះមហន្ដរាយរុ ស្ស៊ី បានប្រកាសឱ្យដឹងថា ឃ្លាំងគ្រាប់ដែលផ្ទុះ នោះគឺជារបស់ក្រសួងការពារជាតិ ស្ថិត នៅតំបន់ Sungach ចម្ងាយពីទីក្រុង Vladivostok ២៨០គីឡូម៉ែត្រនៅភាគ ឦសាន ។
អ្នកនាំពាក្យក្រសួងគ្រប់គ្រងគ្រោះ មហន្ដរាយរុស្ស៊ីបានឱ្យដឹងថា ហេតុការណ៍ ផ្ទុះនោះនៅវេលាម៉ោង៩និង៤០នាទីព្រឹក។ ពេលគ្រោះថ្នាក់កើតឡើងនៅក្នុងឃ្លាំង អាវុធនោះមានក្បាលគ្រាប់គ្រប់ប្រភេទ ចំនួន៤៨៩គ្រាប់ ។ ហេតុការណ៍ផ្ទុះគ្រាប់ នោះបានធ្វើឱ្យចរាចរនានាត្រូវកកស្ទះ ពិសេសចរាចរផ្លូវដែកដែលឆ្លងកាត់ តំបន់នោះត្រូវផ្អាកផងដែរ ។
ភ្លាមៗនោះ ក្រសួងគ្រប់គ្រងគ្រោះ មហន្ដរុស្ស៊ីបានបញ្ជូនក្រុមពន្លត់អគ្គីភ័យ ជាង២០នាក់ រថយន្ដពន្លត់អគ្គីភ័យ៤០ គ្រឿង និងឧទ្ធម្ភាគចក្រពន្លត់អគ្គីភ័យទៅ ទប់ស្កាត់មិនឱ្យអគ្គីភ័យរាលដាល ។ ក្រៅ ពីនេះយន្ដហោះពន្លត់អគ្គីភ័យ២គ្រឿង និងរ៉ូបូតក៏បានចូលរួមសកម្មភាពពន្លត់ អគ្គីភ័យនោះផងដែរ ។ ទន្ទឹមនឹងនោះ ពលរដ្ឋរស់នៅជុំវិញនោះត្រូវភៀសខ្លួន ជាបន្ទាន់ទៅកាន់តំបន់សុវត្ថិភាព ។
នេះជាហេតុការណ៍ផ្ទុះឃ្លាំង គ្រាប់លើក ទី២នៅក្នុងប្រទេសរុស្ស៊ី ក្នុងរយៈពេល២ ឆ្នាំកន្លងមក ហើយក៏ជាលើកទី២នៅក្នុង ខែឧសភានេះផងដែរ ។ កន្លងមកកាលពី ថ្ងៃទី៣ខែឧសភា ក៏មានការផ្ទុះឃ្លាំងអាវុធ បណ្ដាលឱ្យទាហានរុស្ស៊ី៦នាក់ស្លាប់ និង ៤នាក់រងរបួស ៕
