សូរ្យគ្រាស កើតឡើងនៅពេលដែលដំណើរព្រះចន្ទ នៅឆ្ងាយពីផែនដីបំផុត ហើយខណៈនោះ មិនបានបាំងព្រះអាទិត្យជិត ។
មនុស្សរាប់លាននាក់ នៅតំបន់អាស៊ី បានមើលឃើញបាតុភូតនេះ ដូចជាចិញ្ចៀនភ្លើងមួយអ៊ីចឹង។ សូរ្យគ្រាសនេះ មានរយៈពេលតែ៤នាទីកន្លះប៉ុណ្ណោះ ។ វាធ្វើដំណើរឆ្លងកាត់ ប្រទេសជប៉ុន ពិសេសក្រុងតូក្យូ មុននឹងបន្តទៅតំបន់ប៉ាស៊ីហ្វិក ប្រជុំកោះអាឡឺធាន(Aleutian islands) រដ្ឋអាឡាស្កា និងអូរ៉េហ្គន រដ្ឋកាលីហ្វ័រញ៉ា។
នៅជប៉ុន មានការរៀបចំដំណើរទេសចរសូរ្យគ្រាស នៅតាមសាលារៀន សួនច្បារ តាមទូកនាវា និងតាមយន្តហោះឯកជន យ៉ាងគគ្រឹកគគ្រេង ដែលព្រឹត្តិការណ៍នេះ ស្រដៀងនឹងព្រឹត្តិការណ៍សូរ្យគ្រាសនៅចិន និងតៃវ៉ាន់ដែរ។
ទូរទស្សន៍ នៅក្រុងតូក្យូ បានផ្សាយបន្តហេតុកាណ៍នេះផ្ទាល់។
ក្រុមហ៊ុនអេឡិចត្រូនិកជប៉ុន Panasonic បានបញ្ជូនក្រុមការងារពិសេស ទៅលើកំពូលភ្នំហ្វូជី ដើម្បីថតយករូបភាពសូរ្យគ្រាស។
ក្រុមហ៊ុន បានិយាយថា “គោលដៅរបស់យើង គឺដើម្បីឲ្យពិភពលោកមើលឃើញសូរ្យគ្រាសដ៏ស្រស់ស្អាត ពីលើកំពូលភ្នំដ៏ខ្ពស់បំផុត របស់ជប៉ុន។
នៅហុងកុង ក្រុមអ្នកចូលចិត្តតាមដានហេតុការណ៍តារាសាស្ត្រ រាប់រយនាក់ ដែលប្រមូលផ្តុំគ្នា នៅសារមន្ទីរអវកាស បានប្រើទូរកែវយឹតអង្កេត ប៉ុន្តែ ពួកគេមិនមានសំណាងល្អ បានគយគន់ទេ ព្រោះពេលនោះ មានពពកច្រើនបិទបាំងអស់ទៅហើយ៕
