ថ្ងៃទី 14 ខែមិថុនា ឆ្នាំ2012, ម៉ោង 11:29 PM ប្រែសម្រួលៈ ម៉ាណេត
ប៉ាឡេស្ទីន (BBC): សារធាតុជី និងសំរាមរាយប៉ាយ រួមទាំងកង្វះអនាម័យរបស់ប្រជាជន នៅតំបន់កាហ្សា បានធ្វើឲ្យប្រភពទឹក នៅតំបន់នេះបានផ្តល់ផលប៉ះពាល់យ៉ាងធ្ងន់ធ្ងរដល់សុខភាពប្រជាជន ។អង្គការសប្បុរសធម៌ជួយសង្គ្រោះកុមារ (Save the Children) និងភ្នាក់ងារជំនួយផ្នែកវេជ្ជសាស្ត្ររបស់ប្រទេសប៉ាឡេស្ទីន បាននិយាយថា កុមារជាច្រើននាក់ ត្រូវបានទទួលការព្យាបាលដោយសារជំងឺរាគរូស ក្នុងរយៈពេល៥ ឆ្នាំកន្លងមកនេះ។
នៅក្នុងរបាយការណ៍៍បានឱ្យដឹងផងដែរថា បាក់តេរីកម្រិតខ្ពស់ ដូចជា មាននៅក្នុងលាមក និងជី រួមទាំងកង្វក់ផ្សេងទៀត ត្រូវបានរកឃើញនៅក្នុងទឹក ដែលប្រើប្រាស់ជាប្រចាំថ្ងៃ របស់ប្រជាជន ជាពិសេសគឺកុមារ ដែលឧស្សាហ៍កើតមានជំងឺរាគរូសជាញឹកញាប់ ចាប់តាំងពីប្រទេសអ៊ីស្រាអែល បិទរនាំងខណ្ឌទឹកដី ដើម្បីការពាររបស់របរកខ្វក់ ដែលអាចចូលតាមទឹកផងដែរ ដែលនេះសម្រាលនូវបន្ទុកផ្នែកអនាម័យច្រើនយ៉ាង ក្នុងរយៈពេលប៉ុន្មានខែមកនេះ។
ទោះបីជាយ៉ាងនេះក្តី ក្រុមភាគីបរិស្ថាននិយម បាននិយាយថា បញ្ហាចំបងទៅលើសុខុមាលភាពរបស់កុមារ ក្នុងតំបន់កាហ្សា អាចធូរស្រាលបាន បើប្រទេសអ៊ីស្រាអែល ត្រូវលើករនាំងព្រំដែននេះចេញ ដើម្បីផ្តល់ភាពងាយស្រួលដល់ប្រជាជនទាំងការនាំចេញ និងនាំចូលទំនិញ ក្នុងតំបន់៕
