ថ្ងៃទី 23 ខែមិថុនា ឆ្នាំ2012, ម៉ោង 04:15 PM ប្រែសម្រួលៈ ម៉ាណែត
ឥណ្ឌូនេស៊ី (BBC, AFP): យានិក ៧នាក់ កុមារ២ នាក់ និងមនុស្សចាស់ម្នាក់ បានស្លាប់ ពេលដែលយន្តហោះ របស់កងទ័ពជើងអាកាសប្រទេសឥណ្ឌូនេស៊ីមួយគ្រឿង បានធ្លាក់កម្ទេចផ្ទះមួយខ្នង ស្ថិតនៅភាគខាងកើតរដ្ឋធានីហ្សាការតា ប្រទេសឥណ្ឌូនេស៊ី។
តាមរូបភាពក្នុងកញ្ចក់ទូរទស្សន៍ បានបង្ហាញឱ្យឃើញនូវផ្សែងយន្តហោះFokker 27 ឆាបឆេះយ៉ាងខ្មួលខ្មាញ់ ខណៈដែល ផ្ទះជាច្រើនខ្នងទៀត ក៏បានឆាបឆេះផងដែរ។
លោកវរសេនីយ៍ឯក អាគុង សានសុងកូ ចាទី(Agung Sasongko Jati) អ្នកនាំពាក្យកងទ័ពអាកាស បានប្រាប់អ្នកសារព័ត៌មានថា “យានិក៧ នាក់ នៅលើយន្តហោះ រួមទាំងអ្នកនៅដី ៣នាក់ បានស្លាប់បាត់បង់ជីវិត ក្នុងពេលជួបឧបទ្ទវហេតុនោះ។ យន្តហោះ ត្រូវបែកជា២កំណាត់ “។
អ្នកដែលស្លាប់នៅដី ទាំង៣នាក់ មាន២នាក់ ជាបងប្អូនជីដូនមួយ អាយុ ២ឆ្នាំ និង៦ឆ្នាំ និងម្នាក់តៀត ជាស្ត្រីវ័យចំណាស់ ។ ទោះជាយ៉ាងណា នៅមិនទាន់មានរបាយការណ៍បន្ថែមពីជនរងគ្រោះដទៃទៀតទេ។
គួរបញ្ជាក់ថា កាលពីខែឧសភា យន្តហោះខ្នាតធំរបស់រុស្សីមួយគ្រឿង បានធ្លាក់លើកំពូលភ្នំ នៅក្នុងប្រទេសឥណ្ឌូនេស៊ី ដែលបណ្តាលឱ្យមនុស្ស៤៥ នាក់ នៅលើយន្តហោះស្លាប់បាត់បង់ជីវិតយ៉ាងអាណោចអធ័ម៕Agkor thom
