ដោយ ៖ ម៉ែវ សាធី ថ្ងៃទី 29 មិថុនា 2012ម៉ោង 13:09:44
យានអវកាសរបស់ ប្រទេសចិនដែល បានហោះហើរទៅកាន់ពិភពផ្កាយកាល ពី២សបា្ដហ៍កន្លងមកនោះ ឥឡូវនេះបាន វិលត្រឡប់មកកាន់ភពផែនដីប្រកប ដោយសុវត្ថិភាពវិញហើយកាលពីថ្ងៃ ព្រហស្បតិ៍ ទី២៨ ខែមិថុនា ។ ប្រទេសចិនបានបង្ហោះយានអាវកាស Shenzhow 9 ដែលមានអាកាសយានិក ស្ដ្រីលើកដំបូងបំផុតនៅទូទាំងពិភពលោក ទៅកាន់ពិភពផ្កាយក្នុងគោលបំណង សាកល្បង ហើយអាចនឹងឈានដល់ការ ស្ថាបនាស្ថានីយយានអវកាសរបស់ខ្លួន ក្នុងឆ្នាំ២០២០ខាងមុខនេះផងដែរ ។
បន្ទាប់ពីហោះហើរនៅលំហ អាកាស អស់រយៈពេលជិត២សបា្ដហ៍កន្លងមក នៅវេលាម៉ោង១០ព្រឹក ថ្ងៃទី២៨ ខែ មិថុនា យានអវកាសShenzhou 9របស់ ចិនមួយនេះបានចុះចតនៅទិសពាយព្យ នៃប្រទេសចិនប្រកបដោយសុវត្ថិភាព ។
ក្រោយពីចាកចេញពីយានអវកាស អាកាសយានិកទាំង៣រូបឈ្មោះ ជីង ហាយប៉េង, លីវ វ៉ាង និងនាងលីវ យ៉ាំង បានសម្ដែងទឹកមុខសប្បាយរីករាយជាទី បំផុត ខណៈដែលបេសកកម្មរបស់ពួក គេទទួលបានជោគជ័យ។ ពួកគេបានថ្លែង ប្រាប់ប្រភពព័ត៌មានស៊ីនហួរថា “ពួក យើងបានវិលត្រឡប់មកវិញហើយពួកយើងមានអារម្មណ៍ប្រសើរខ្លាំងណាស់” ៕នគរវត្ត
