វ៉ាក់សាំងបង្ការគ្រឿងញៀន ត្រូវបានក្រុម​អ្នក​ស្រាវ​ជ្រាវ​នៃ Weill Cornell Medical College (New York) រកឃើញ នាពេលថ្មីៗនេះ។  ពួកគេ ជាក្រុមស្រាវជ្រាវដំបូងបង្អស់ ដែលបាន​សាកល្បងពិសោធន៍​វិធីព្យាបាល ថ្មី ប្រឆាំង នឹងការញៀនគ្រឿងញៀន។

Ronald Crystal អ្នកដឹកនាំក្រុមស្រាវជ្រាវនេះ បានឲ្យដឹងថា  “”ការប្រើប្រាស់គ្រឿងញៀន គឺជាអបាយមុខ ក្នុងសង្គម ហើយពិបាក នឹងទប់ទល់។ ប្រសិនជាយើងអាចបង្កើតបានជោគជ័យនូវ វ៉ាកសាំងបង្ការគ្រឿងញៀន នោះសង្គមួយ ប្រាកដ នឹងមានសកម្មយ៉ាងខ្លាំង។ ក្រុមអ្នក​វិទ្យាសាស្ត្រ​ បានសាកល្បងពិសោធន៍ទៅលើសត្វកណ្តុរ និងសត្វស្វា ហើយលទ្ធផល ពួកគេទទួលបានជោគជ័យទៅលើការពិសោធន៍នេះ។

ប្រភេទវ៉ាកសាំងទីពីរ គេប្រើវិធីសាស្រ្តព្យាបាលដោយ Gene ។ ក្រុមអ្នក​វិទ្យាសាស្ត្រ បានចាក់ថ្នាំវីរ៉ុសមួយប្រភេទ ចូលទៅក្នុងកោសិកាថ្លើមរបស់សត្វកណ្តុរ។ នៅ​ពេល​នោះ បណ្តាកោសិកា​ចាប់​ផ្តើម​ផលិតចេញនូវអង្គបដិបក្ខ (សារធាតុ​​ ដែល​ប្រឆាំង​ នឹង​មេរោគ) ធ្វើឲ្យ​​​ប្រតិកម្មត្រឡប់​មកប្រឆាំង នឹង Cocaine ។

ការសិក្សានេះ ត្រូវបានប្រកាសឡើង កាលពីថ្ងៃទី ១៨ ខែមិថុនា នៅលើទស្សនាវដ្តី Humane Gene Therapy ។ ជាលទ្ធផល​បង្ហាញ​ឲ្យឃើញថា​ ប្រសិទ្ធិភាពរបស់ថ្នាំវ៉ាក់សាំងនេះ មានរយះពេលយ៉ាងតិច ១៧ សប្តាហ៍។

ក្នុងវិធីសាស្រ្តព្យាបាលទាំងពីរខាងលើ រាល់អង្គបដិបក្ខ (សារធាតុ​​ ដែល​ប្រឆាំង​ នឹង​មេរោគ) បង្កើតចេញមក ដោយប្រភេទវ៉ាក់សាំងទាំងពីរនោះ ធ្វើឲ្យប្រសិទ្ធិភាពរបស់វា គ្រប់គ្រាន់អាចរកឃើញថ្នាំញៀន ដែលបានជ្រួតជ្រាប ចូលក្នុងប្រព័ន្ធខ្លួន និងលឿនបំផុត។

ទោះជាយ៉ាងនេះក្តី ក្រុមអ្នក​វិទ្យាសាស្ត្រ បានសម្តែងការព្រួយបារម្ភ ចំពោះក្រុមមនុស្ស ដែលញៀនថ្នាំ ពួកគេ នឹងទិញថ្នាំវ៉ាកសាំងក្នុងចំនួនច្រើនលើសលប់ ដើម្បីកំចាត់ជាតិគ្រឿងញៀន ឲ្យឆាប់អស់ពីខ្លួនប្រាណ ជាហេតុធ្វើ ឲ្យវ៉ាក់សាំងបាត់បង់នូវប្រសិទ្ធិភាពវិញ។

បច្ចុប្បន្ន ក្រុម​អ្នក​ស្រាវ​ជ្រាវកំពុងបន្តពិនិត្យជាតិពុលរបស់វ៉ាក់សាំង ដែលពិសោធន៍ទៅលើសត្វ មុន នឹងយកវ៉ាកសាំង ទាំងនោះ ទៅពិសោធន៍លើមនុស្សវិញ។ Crystal បានឲ្យដឹងថា ក្រុមស្រាវជ្រាវរបស់លោករំពឹងថា នឹងយកវ៉ាក់សាំង សាកល្បងពិសោធន៍ទៅលើមនុស្ស នាដើមឆ្នាំខាងមុខនេះ។

Thomas Kosten អ្នកស្រាវជ្រាវមកពី ​សាកលវិទ្យាល័យ​វេជ្ជសាស្រ្ត Baylor ។ លោកមិនបាន ចូលរួមក្នុងការស្រាវជ្រាវនេះទេ ប៉ុន្តែលោកបាន​មានប្រាសាសន៍ប្រាប់ Live Science ថា ទោះជាមិនមានសង្ឃឹមច្រើន ក្នុងការសាកល្បងពិសោធន៍ទៅលើមនុស្សក្តី ប៉ុន្តែលោករំពឹងថា Crystal នឹងទទួលបានជោគជ័យ។