ប្រទេសមហាអំណាច៣ ក្នុងចំណោមមហា​អំណាចទំាង៥ ដែលគេសង្ឃឹមថានឹងចុះហត្ថ​លេខាលើសន្ធិសញ្ញាតំបន់អាស៊ីអាគ្នេយ៍ គ្មាន​​អាវុធនុយក្លេអ៊ែរបានសម្រេចចិត្តដកថយ ។

នោះគឺ រុស្ស៊ី បារាំង និងអង់គ្លេស ហើយពួក​គេសំអាងហេតុផលថា គេចង់កែប្រែចំណុច​មួយចំនួនក្នុងសន្ធិសញ្ញានេះ ។ អាមេរិកក៏​យល់ស្របចំពោះការដែលប្រទេសទាំង៣នេះ​ពិនិត្យឡើងវិញនូវខ្លឹមសាររបស់ SEANWFZ ។

ក្រុងមូស្គូនៅបាននិយាយដល់សន្ធិរបស់នាវា និងយន្តហោះបរទេសជ្រៀតចូលក្នុងតំបន់​គ្មានអាវុធនុយក្លេអ៊ែរ ។

រីឯអង់គ្លេសវិញ បានទាញហេតុផលពីគ្រោះ​គំរាមកំហែងទៅថ្ងៃអនាគត ដែលចាំបាច់ពួក​គេត្រូវដឹកជញ្ជូនវត្ថុធាតុដើមនុយក្លេអ៊ែរ​ឆ្លង​ កាត់តំបន់អាស៊ីអាគ្នេយ៍នេះ ។

ចំណែកអាមេរិកវិញតាមអគ្គលេខាធិការ ASEAN Surin Pitsuwau ឲ្យដឹងថាក្រុងវ៉ាស៊ីន​តោន នឹងមិនអធិប្បាយពីការអភិរក្សមតិ មុន​ពេលចុះហត្ថលេខាឡើយ គេនឹងលើកបញ្ហា​ឡើងពេល​ដែលឈានចូលដំណាក់កាលអនុម័ត។

ហេតុនេះឯកសារទាំងឡាយដែលពាក់ព័ន្ធ នឹងសន្ធិសញ្ញានេះពុំត្រូវបានចុះហត្ថលេខា​លើកនេះទេ ។

បើតាមលោក Surin នេះគឺយើងខ្ញុំសង្ឃឹមថា ការចុះហត្ថលេខាលើឯកសារទាំងអស់នេះនឹង​ត្រូវបានធ្វើរួចរាល់នៅខែ វិច្ឆិកា ខាងមុខនេះ ក្នុងសន្និសីទកំពូល ASEAN លើកទី២១ ៕