ថ្ងៃទី 21 ខែកក្កដា ឆ្នាំ2012, ម៉ោង 04:58 PM ប្រែសម្រួលដោយ : ម៉ាណែត
ឥណ្ឌា (BBC)៖ យោងតាមរបាយការណ៍មួយ បានឱ្យដឹងថា ក្នុងបណ្តាប្រទេសអាស៊ីទាំងឡាយ ប្រទេសឥណ្ឌា គឺជាប្រទេសដែលផ្តល់សិទ្ធិអន្តោប្រវេសន៍ ដល់ជនជាតិអូស្ត្រាលី ច្រើនបំផុត។
យោងតាមរបាយការណ៍របស់កម្មវិធីបម្លាស់ប្តូរទីលំនៅ ឆ្នាំ២០១១-២០១២ បានឱ្យឃើញថា ជនអន្តោប្រវេសន៍នៅក្នុងប្រទេសឥណ្ឌា មានរហូតដល់ទៅ១៥,៧% ឬស្មើនឹង២៩,០០០នាក់ ដោយភាគច្រើននៃជនអន្តោប្រវេសន៍ទាំងនោះ គឺជាសាស្ត្រាចារ្យ គណនេយ្យករ ចុងភៅ និងវិស្វករផ្នែកសូហ្វវែរ (Software) ជាដើម។
លោកគ្រីស បូវេន (Chris Bowen) ជាមន្ត្រីទទួលបន្ទុកផ្នែកចំណាកស្រុក និងប្រជាជន បានឱ្យដឹងថា “អាទិភាពរបស់រដ្ឋាភិបាល គឺការងារសម្រាប់ប្រជាជនអូស្ត្រាលី ដូចនេះ ជនអន្តោប្រវេសន៍ ដែលមានជំនាញច្បាស់លាស់ គឺមានសារៈសំខាន់យ៉ាងខ្លាំង សម្រាប់សេដ្ឋកិច្ច និងជយដោះស្រាយបញ្ហាអាយុចំណាស់ប្រជាជននៅក្នុងប្រទេស”។
បន្ថែមពីលើនេះ ក្នុងឆ្នាំ២០១២-២០១៣ អូស្ត្រាលី មានបំណងបង្កើនចំនួនជនអន្តោប្រវេសន៍ឱ្យច្បាស់ដល់១៩០.០០០នាក់ ទៅកាន់ប្រទេសដទៃៗ។
គួរបញ្ជាក់ថា ក្រៅពីប្រទេសឥណ្ឌា ប្រទេសបន្ទាប់ដែលសំបូរដោយជនអន្តោប្រវេសន៍អូស្ត្រាលី គឺប្រទេសចិន ២៥.៥០៩នាក់, អង់គ្លេស ២៥.២៧៤នាក់, ហ្វីលីពីន ១២.៩៣៣នាក់ និងអាហ្វ្រិកខាងត្បូង ៧.៦៤០នាក់ ៕
