លោកអូបាម៉ា បាននិយាយឱ្យដឹងតាមការផ្សាយតាមវិទ្យុថា លោកបានធ្វើការរបួសសួងដល់ជនរងគ្រោះទាំងអស់ កុំឱ្យមានគ្រោះថ្នាក់។
រីឯសម្តេចប៉ាប បេណេឌិក (Benedict) បាននិយាយថា “នេះគឺជារឿងដ៏គួរឱ្យរន្ធត់មួយ ដែលធ្វើឱ្យមនុស្ស១២នាក់ ស្លាប់៥៨នាក់របួស”។
លោកដាន អូថេស (Dan Oates) ជាអធិការប៉ូលិសបាននិយាយថា “ជនសង្ស័យដែលចាប់ខ្លួនបានមានឈ្មោះថា ជែមស៍ ហូលម៉េស (James Holmes) អាយុ២៤ឆ្នាំ។ នៅពេលនេះ លោកកំពុងឃុំខ្លួន ដើម្បីសាកសួរ ប៉ុន្តែ បុរសរូបនេះ បានបដិសេធមិនព្រមបកស្រាយអ្វីទាំងអស់។
លោកបានបន្តទៀតថា “ការសួរសុខទុក្ខរបស់លោកប្រធានាធិបតី គឺជាទង្វើមួយដ៏ប្រពៃ និងធ្វើឱ្យអ្នកជំងឺមានកម្លាំងចិត្តឡើងវិញ”។
នាពេលបច្ចុប្បន្ន ក្រុមប៉ូលិសកំពុងតែធ្វើការ ឆែកឆេរផ្ទះរបស់ជនសង្ស័យរូបនេះ ព្រោះគេសង្ស័យថា បុរសរូបនេះ គឺជាមុខសញ្ញាសំខាន់ ដែលធ្វើឧក្រិដ្ឋកម្មជាច្រើនដងរួចមកហើយ។ ហើយប្រសិនបើភស្តុតាង និងទោសកំហុសនានាត្រូវបានគេរកឃើញ លោកនឹងត្រូវទទួលទោសយ៉ាងធ្ងន់ធ្ងរ៕
