កូរ៉េខាងជើង (BBC)៖ យោងតាមប្រភពព័ត៌មានផ្លូវការមួយ បានឱ្យដឹងថា កូរ៉េខាងជើងបានតែងតាំងលោកយ៉ុន យ៉ុងឆុល ជាមេបញ្ជាការថ្មីរបស់កងទ័ពកូរ៉េខាងជើងជំនួសលោករីយ៉ុងហូ។ដោយឡែក អ្នកនាំពាក្យមួយរូបរបស់ក្រសួងបង្រួបបង្រួមជាតិ នៃប្រទេសកូរ៉េខាងត្បូង បាននិយាយថា “ការចាកចេញរបស់លោករី គឺជារឿងមួយដែលមានភាពខុសប្រក្រតីយ៉ាងខ្លាំង”។
រីឯអ្នកសង្កេតការណ៍មួយចំនួនទៀត បាននិយាយថា “ការផ្លាស់ប្តូរអ្នកដឹកនាំ គឺជាផ្នែកមួយនៃចលនា ដើម្បីពង្រឹងការគ្រប់គ្រងរបស់លោកគី ជុងអ៊ុន ក្នុងវិស័យយោធា”។
គួរបញ្ជាក់ថា លោករី យ៉ុងហូ ត្រូវបានគេតែងតាំងជាមេបញ្ជាការកងទ័ពកាលពី៣ ឆ្នាំមុន និងជាមន្ត្រីដ៏សំខាន់ក្នុងចំណោមអ្នកដែលជួយឱ្យលោកគីម ជុងអ៊ុន កាន់តណែងយ៉ាងរឹងមាំបន្តពីឪពុក គឺលោកគីម ជុនអ៊ីល ដែលហេតុនេះហើយ ទើបការដកតំណែងរបស់លោក ធ្វើឱ្យមជ្ឈដ្ឋាននានា មានការភ្ញាក់ផ្អើលយ៉ាងខ្លាំង៕
