តាមរូបភាពដែលគេចាក់ផ្សាយតាម រយៈកញ្ចក់ទូរទស្សន៍ បានឱ្យឃើញថា អគារ Polat Tower (ភូឡាតថូវើរ) បានគ្របដណ្តប់ដោយផ្សែងខ្មៅ ព្រមទាំងធ្លាក់បែកបាក់បំណែកអាគារជាច្រើនចុះមកក្រោមផងដែរ។
ភ្លាមនោះ ក្រុមពន្លត់អគ្គីភ័យ បានព្យាយាមបាញ់ពន្លត់ភ្លាម ដើម្បីការពារមិនឱ្យឆេះរាលដាលដល់កន្លែងនានាផ្សេងទៀតនៅអគារ ព្រោះអគារមួយនេះ គឺជាកន្លែងប្រមូលផ្តុំហាងទំនិញ កន្លែងស្នាក់នៅ និងការិយាល័យជាច្រើន។
លោកមុសតាហ្វា សារីហ្គុល (Mustafa Sariga) ជាចៅហ្វាយក្រុងបាននិយាយឱ្យដឹងថា “ស្ថានភាពនៅក្នុងអគារ នៅមានលក្ខណៈធម្មតា គឺមិនមានប៉ះព្រោះប្រព័ន្ធការពារអគ្គីភ័យដំណើរការបានល្អ បើមិនដូចនោះ វាអាចនឹងបង្កឱ្យក្លាយជាបញ្ហាធំបាន”។
តែទោះជាយ៉ាងនេះក្តី អាគារនេះ ត្រូវគេផ្អាកប្រើប្រាស់បណ្តោះអាសន្នរួមទាំងផ្លូវថ្នល់ជុំវិញអាគារផងដែរ ដើម្បីរក្សាសុវត្ថិភាព ព្រមទាំងរកមូលហេតុពិតប្រាកដដែលបង្កឱ្យអគ្គីភ័យឆាបឆេះផងដែរ៕
